Kinguaassiuutitigut kannguttaatsuliorneq pillugu suliaq ullumi eqqartuussivimmi suliarineqassaaq
Siumumi Partii Naleqqamilu allattaasimasoq Mikael Petersen sisamariarluni kannguttaatsuliorsimasutut unnerluunneqarsimanerminik ullumi Nuummi eqqartuussivimmi sassartinneqassaaq.
Siumumi allatsiunermini pissaaneqarsimaqisoq Mikael Petersen, eqqartuussivik uppernarsaatissaqarpat aamma unnerluussisiup piumasaqaataa malinneqassappat, ulluni 60-ini isertitsivimmiittussatut pineqaatissinneqarsinnaavoq.
Unnerluussutitut allakkami takuneqarsinnaavoq, ukiuni arlalinni oqaatsitigut timikkullu kannguttaatsuliortarsimaneq pineqartoq.
De fysiske krænkelser skulle bestå i befamling af balder, lår og andre dele af kroppen samt i flere tilfælde med en kuglepen at have løftet kvinders bryster, mens han har stønnet dem i ørerne og sagt grænseoverskridende ting.
Unnerluutigineqartut pisimanngitsuunerarai
Inuup pineqartup nammineerluni unnerluussutigineqartut pisimanngitsuunerarpai pinngitsuuninilu attatiinnarlugu.
Suliaq ukiup ataatsip matuma siorna aallartippoq, taamanikkut tamanna tamanit ilisimaneqalerpoq, Mikael Petersen arnat qulit kinaassutsiminnik isertuussillutik unnerluutiginnissimanerat tunngatilugu partiimi allatsisut tunuartinneqarmat.
Pisut tamakkiisumik paasisaqarfigikkit: Kinguaassiuutitigut kannguttaatsuliorsimaneq pillugu ilanngutassiat tamaasa atuakkit