Skip to main content

Kinguaassiuutitigut atornerluineq: Sapaatip-akunneranut nalunaarutigineqartartut tallimat

Meeqqanik atornerluinerit inunnillu ulorianartorsiortitsilluni pinerlunnerit 2021-mi politiini imaqartorujussooqqissimapput, ukiumilu nutaami ulloq siulleq toqutsinermik suliassamik aallartippaat.

Politiit 2021-mut ukiumoortumik kisitsisitigut takussutissiassat aatsaat februaarimi naammassisussaagaluaraat politimester Bjørn Tegne Bayip pinerlunnerit immikkut malunnaateqarnerusut oqaatigisinnaavai.

Aviisi AG taama allappoq.

- Oqaatigisinnaavara 2021-mi nakuusernerit illumilu perulluliornerit suli amiilaarnartumik qaffasissorujussuummata. Kisitsisit 2020-mut assingusorujussuupput. Taamatut naliliisinnaavunga, Bjørn Tegner Bay oqaluttuarpoq.

Amiilaarnartumik oqarnera ingasaassinerunngilaq. 2020-mi nakuusernermik politiinut nalunaarutiginninnerit 1394-iusimapput.

Tassa ukiumut siulianut sanilliullugu 49 procentimik amerleriarsimallutik. Tassa ineriartorneq ajoraluartumik allanngorsimanngilaq. Nakuusernerit amerlanerpaartaat tallimanngornerup unnuaani pisarput, pisunilu amerlanerpaami imigassartorsimaneq pissutaasarpoq. Tamatuma 2021-mi allanngorsimanissaanik isumaqassalluni tunngavissaqanngilaq.

Meeqqanik kinguaassiuutitigut atornerluisarneq politiit ukiuni kingullerni annertunerusumik sammisalersimavaat. Taamaaliortalerput meeqqanik atornerluisarneq sammineqarnerujussuanngorsimammat, pingaartumik Meeqqat Illersuisuannit, aammattaarli siusinnerusukkut paqumigineqarsimasoq tamanna politikkikkut sammineqarnerulersimammat.

Aviisimi AG-mi atuarnerusinnaavutit. Aviisi uani pissarsiariuk:

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER