Skip to main content

Kinguaassiutitigut kannguttaatsuliortoqarsimatillugu sakkortunerusumik pineqaatissiisoqartarnissaa Aajap piumasaraa

Kalaallit Nunaanni pineqaatissiissutit piffissaliuttarneri pillugu Aaja Chemnitz Larsen oqallitsitserusuppoq.

Aaja Chemnitz Larsen (IA) isumaqarpoq Kalaallit Nunaanni pineqaatissiinermut killiliussat pillugit oqallittoqarnissaa pisariaqartoq.

Kinguaassiutitigut kannguttaatsuliortoqarsimatillugu pineqaatissiisarnerit inatsimmik sukaterinissaq pillugu oqallittoqarmat, Folketingemi oqaluttarfimmit taama oqarpoq.

Kalaallit Nunaanni pineqaatissiinermi killiliussanik ullumikkut atuisoqanngilaq. Pineqaatissiisoqartilluguli nunatsinni eqqartuussisuuneq politimesterilu aalajangiisarput pineqaatissiissut qanoq ittuussanersoq.

Sakkortuumilli pinerliisoqarsimatillugu pineqaatissiissutit oqallisigineqartariaqalivissut, IA-miit ilaasortaq isumaqarpoq.

- Kinguaassiutitigut kannguttaatsuliortoqarsimatillugu pinerliinerit taama ittut sakkortunerusumik pineqaatissiissutigineqartarnissaat pisariaqartoq, uanga isumaqarpunga, Aaja Chemnitz Larsen (IA) Sermitsiaq.AG-mut oqarpoq.

- Kinguaassiutitigut kannguttaatsuliortarnerit unitsinneqassappata pineqaatissiisarnerit sakkortunerusut eqqartuinnarnagit iliuuseqartariaqarpugut.

- Politikkikkut oqariartuut taama ittoq ersarippoq.

Inuiaqatigiinnut akuulersitseqqinniarneq tusiapillappoq

Folketingimi oqallittoqarmat inatsisinik atuutsitsinermut ministeri Søren Pape Poulsen (K) Naalakkersuisut suliaq pillugu saaffiginnippata tusarnaarumalluni oqarpoq. Aaja Chemnitz Larsen naalakkersuisumut Martha Abelsenimut, nunatsinni inatsiseqarnermik akisussaaffeqartumut maanna allakkatigut saaffiginnissimalerpoq. Taanna Kalaallit Nunaanni pineqaatissiisarnermi killerititassanik pilersitsinissaq anguniarlugu oqallitsitsissasoq kaammattorpaa.

Ilanngullugu tikkuarpaa inuiaqatigiinnut akuulersitseqqinnissaq innuttaasut tapersersoraat, tamannali maanna pitsaasumik ingerlanngitsoq.

- Eqqartuussiveqarfimmi aaqqittariallit annertuut marluupput, taakkulu inatsisitigut toqqissisimasumik misiginissaq eqqarsaatigalugu mamianarluinnarput, oqarpoq.        

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER