Skip to main content

Kinguaassiutitigut atornerluinernut suliniutinik ataatsimoortunik Olsvig aallartitsilerpoq

Meeqqat inuusuttullu kinguaassiutimikkut atornerlunneqarsimasut katsorsarneqarnerannut suliniuteqarneq Naalakkersuisut nukittorsarniarpaat.

Isumaginninnermut Naalakkersuisup Sara Olsvigip Jess Svanemut akissutaani tamanna atuarneqarsinnaavoq.

Misissuineq aallartinneqartoq
Suliniutit pitsaanerpaamik qanoq pisinnaanerannik misissuinermik aallartitsisoqarsimasoq, Sara Olsvig ilisimatitsivoq.

- Kinguaassiutitigut atornerluinerup ajornartorsiutaanerata immikkuullarissutut isiginiannginnissaata pingaaruteqassusia Naalakkersuisut ilisimaaraat, akerlianilli inooqatigiinnermut inuiaqatigiinnullu ataqatigiissillugu isiginiarneqartariaqartutut isigalugu, tamannalu inissisimaffinni assigiinngitsuni peqataasunut assigiinngitsunit iliuuseqarnissamik piumasaqaateqarfiuvoq, Sara Olsvig akissummi ilisimatitsivoq.

Suliniutinik ataatsimoortunik, atornerlunneqarsimasut ilaqutaannik aamma ilanngussisunik saqqummiussisoqalersoq taanna saqqummiussivoq.

- Naalakkersuisut suliniutinik ataatsimoortunik tamanut isiginnittunik suliaqarneq piareersarpaat, suliassaqarfimmi tassani kinguaassiutitigut atornerlunneqarsimasnut sullinniakkanut tamanut ataatsimut isiginnittunik nutaanillu neqerooruteqarsinnaanissaq kiisalu ilaqutariinnik attavinnillu peqataatitsinissap ukkatarineqarnissaa pingaartillugu eqqarsaatigineqarluni, tamanna oqaatigineqarpoq.

Ajornartorsiut annertooq
Ajornartorsiutip annertunera 2014-imi inuiaqatigiinnik misissuinerup uppernarsarnikuuaa.

Misissuineq naapertorlugu peqataasut 66 procentii imigassamik atuiffiusumi imaluunniit nakuuserfiusumi peroriartorsimapput, imaluunniit kinguaassiutitigut atornerlunneqarnikuusimallutik, Jess Svanemut akissummi tamanna atuarneqarsinnaavoq.

Imminut toqukkusunnermik eqqarsartitsisartoq
Inuit ataasiakkaat kinguaassiutitigut atornerlunneqarsimasut sivisuumik kingunipilutsitsisarnerat pillugu aaqqissuussamik nuna tamakkerlugu misissuinernik ullumikkut peqanngitsoq, Sara Olsvig ilisimatitsivoq. Nunatsinnili ilisimatusarnerup takutippaa, meeraq kinguaassiutitigut atornerlunneqarsimagaaangat ilaqutariinni imminut toqunnissaq atugaanerusartoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER