Katersuiniarneq

Kinguaassiutitigut atornerluinermut akiuiniarneq Brugsenip taperserpaa

Februaarip qaammataa tamakkerlugu puussiap ataatsip tuninerani 50 oori NAKUUSA-p katersuiniarneranut nakkartittassavaa

Kalaallit Nunaanni Brugsenip NAKUUSA-p nuna tamakkerlugu katersuiniarnera tapersersorumallugu aalajangerpoq, meeqqat kinguaassiutitigut innarlerneqartarnerat pinaveersaartitsinneqarnissaa katersuiniarnerup siunertaraa.

Februaarip qaammataa tamakkerlugu puussiap ataatsip tuninerani 50 oori nuna tamakkerlugu katersuiniarnermut nakkartinneqartassaaq.

- Tamavitta meeqqatta perorluarnissaanut toqqammaviliillutalu sinaakkusiinissatsinnut akisussaaffeqarpugut. Meeqqat isumalluutitsinni qitiulluinnaqqissaarmata, Susanne Christensen, Brugsenimi pisortaq oqarpoq.

Brugsenip februarip qaammataa tamakkerlugu suliniutip samminissaa inunnullu nittarsaannissaa suliniutiginiarpaa, takoqqusaarutini, nittartakkani inunnut attavigiittarfinni akiliisarfinnilu takoqqusaarutinik ikkussuiniarluni.

Katersuiniarneq KNR TV-mi marsip pingajuanni aallakaatinneqassaaq.

Powered by Labrador CMS