atornerluinerit
Kinguaassiutitigut atornerlugaasimasut kisimiittutut misigisimajunnaarput
Kinguaassiutitigut atornerlugaasimasunit malikkut allattut amerlasut Nakuusamit nalunaarutigineqarpoq
Nakuusap suliniutaa Ullut Tamaasa innuttaasunit tigulluarneqarpoq. Kinguaassiutitigut atornerlugaasimasut atornerlugaasimanertik pillugu mailikkut allattalersut oqaatigineqarpoq.
- Inunnit arlaqartunit mailikkut allagarsivugut oqaluttuassartillu pillugu ammallutik oqaluttuarlutik, Nakuusamit Arnavaraq JørgensenSermitsiaq.AG-mut oqarpoq.
Atornerluinerit ikilinissaannik neriuut
Saaffiginnittut neriuuteqarsimasut oqaatigaa, tassa misigisimasartik oqaluttuarinissaa oqariartuutigisimallugu. Kinguaassiutitigut atornerluineq kisimi pineqanngilaq, pereerneranili aamma eqqarsaatigineqartut anninneqarusuttarput.
- Suliniutip pilersinneqarsimanera tamarmiullutik qujaniarfigaat. Inuunerup oqinnerulernissaa tamarmik neriuutigaat, Arnavaraq Jørgensen oqarpoq.
Kinguaassiutitigut atornerluisarnerup inuiaqatigiittut anigorniarneqarnissaanik oqariartuut aamma qujamasuutigineqarpoq.
- Atornerlugaasimasut kisimiittutut misigisimasarput. Ataatsimuussusermik oqariartuuteqarneq neriuuteqalersitsisuuvoq, Arnavaraq Jørgensen oqarpoq.
- Mailit uagutsinnut nassiunneqartut ilaat uanga attortissutigingaarpakka, Arnavaraq Jørgensen oqarpoq.