Kinguaariit tallimat: Aanaqqeeqqii 77-iinnarnik ukioqartoq

Tamatta inuuneqqortusiartoraluarpugut, ilaqutariilli tamarmik misigisanngilaat kinguaariit tallimaallutik ataatsikkut inuuneqartarneq. Ilaqutariilli Andressen Filemonsenikkut siorna novembarip qulingiluaani nuannersumik tamatumannga misigisaqarput.

- Misigisaq oqaasinngorlugu oqaluttuariuminaappoq. Kinami eqqarsarpa 58-inik ukioqarluni aanaaqqiinngussalluni, Marianne Andreassen ilaqutariinni kisimi Nuummi najugaqartoq, ilaqutaali allat tamarmik Ilulissani najugaqartut oqarpoq. Ilaqutariit Aasiaat avannaata tungaani 20 kilometerisut ungasitsigisumi Kitsissuarsunneersuupput.

Ilaqutariit utoqqaanersaat, meeqqap aanaqqeeqqiia Benedikte Andreassenimik ateqarpoq 1942-milu inunngorsimalluni.

- Anaananga sulisarallarami marlunnik suliffeqartuaannarnikuuvoq. Angerlarsimaffimmi ikiortitut Kitsisuarsuullu atuarfiani eqqiaasutut sulisarsimavoq, Marianne Andressen oqaluttuarpoq.

Aanaqqeeqqiinngortoq uillarami Ilulissanut nuussimavoq, maannalu utoqqaat illuani najugaqarluni.

AG-mi inuit aqqi pillugit nutaarsiassat atuakkit – ugguuna taanna iserfigisinnaavat:

Powered by Labrador CMS