Kinguaariinnik misissuineq: Hans Egedemit Múte B. Egedemut
Egedekkut Kalaallit Nunaanni ukiuni 300-ni. Naagga, Naalakkersuisut siulittaasuata Kalaallit Nunaata apostilia ilaqutarinngilaa, tamatuma akerlianik ilaqutariit Lyngekkut ilaqutarivaat.
Egedep siulliup Kalaallit Nunaannut tikinneranit arfininngornermi ukiut 300-nngorput.
Ajoqersuiartortitaq Hans Egede nulii Gertrud Rask meeqqatillu sisamat Poul, Niels, Kirstine aamma Petronelle Nuup kitaani qeqertarpaat akornanni Illuerunnernut juulip 3-ani nunalipput, aviisi Sermitsiaq allappoq.
Ukiut untritillit pingasut ingerlareerneranni kinguliaq Egede Kalaallit Nunaanni suli aterineqarluarpoq.
Pinngortitaleriffimmi kisitsisinit takutinneqarpoq, ullumikkut nunami maani inuit Egedemik kinguliaqartut 492-iusut, Sermitsiallu siunnersuisuuneq Lars Pedersen kisitsisinik itisileeqqullugu qinnuigisimavaa.
Ullumikkut Hans Egedemik ataasiinnarmik marlunnilluunniit ateqartoqarpoq.
Ilaatigut Ilulissanik 25-nik ukiulik Hans Egede.
– Atit pillugu qisuariaatinik nuannersunik nuanniitsunilluunniit misigisaqartarsimavit?
– Naagga, ajoqersuiartortitamik Hans Egedemik ateeqarnera pissutigalugu qisuariaatinik misigisaqanngisaannarsimavunga. Uangalu nammineq atera ataatannut Hans Henrik Egedemut, uannut atsiunneqarsimasumut, attuumassuteqartittarpara, Hans Egede Sermitsiamut oqarpoq.
– Kalaallit Nunaanni ajoqersuiartortitamut Hans Egedemut ullumikkut isummat assigiinngitsuunerat ilinnut pingaaruteqarpa?
– Naagga, ateera pillugu inuit qanoq isumaqarnersut soqutiginngilara, uannummi attuumassuteqanngilaq, Hans Egede oqarpoq.
Hansine Egede aamma periarfissaasoq
Naatsorsueqqissaartarfiup kisitsisaataanit takutinneqarpoq, ullumikkut inuit qulingiluat Egedemik kinguliaqartut siuliaqutillu ataatsip arlallilluunniit akornanni Hansimik ateqartut.
Tamatuma saniatigut inuit arfinillit Hans-imik atit akuleriissinneqarfigisaanni, tassa Hans-xx-imik, ateqarput Egedemillu kinguliaqarlutik.
Kisianni atit paarlangasumik inissisimasut aamma piupput.
Tele Greenlandip normunik paasiniaavianit oqaatigineqarpoq, ullumikkut nunatsinni inoqartoq Egedemik atit akunnequtaattut ateqartunik, assersuutigalugu Hans Egede Ringsted, Hans Egede Berthelsen, Hans Egede Hesikiassen, Hans Egede Kristensen aamma Hans Egede Lyberth.
Allaaserisaq tamaat uani Sermitsiami atuaruk: