Kingoraartissanik amigaateqarnerup Air Greenland ajornartorsiortikkaa
Ilaasussat hunnorujulikkaat marlunngornermi Air greenlandip timmisartuussiniarnermi ajornartorsiuteqarneranit sunnerneqarsimapput.
Air Greenlandi marlunngornermi piffissaq eqqorlugu timmisartuussiniarnerminik ajornartorsiuteqarpoq.
Ingerlatseqatigiiffiup timmisartorsuaataa Norsaq teknikkut ajornartorsiuteqarneq pissutigalugu nalunaaquttap-akunnerinik marlunnik kinguaattoorsimavoq, tamatumalu malitsigisaanik ullormi angallassinissamik pilersaarutit sinneri kinguaattoorfiusimallutik. Air Greenlandimit Facebookikkut allapput.
Ifølge Air Greenlandimit oqaatigineqarpoq, Dash 8-nut kingoraartissat amigaatigineqarnerat lanngullugu ajornartorsiutaasoq:
- Europami tamarmi kingoraartissanik amigaateqarneq assigalugu uaguttaaq Dash 8-nut kingoraartissanik amigaateqarnermik eqqugaavugut. Timmisartullu atorsinnaasatta pisarnermit ikinnerunerat pissutigalugu timmisartuussinigut aamma eqqugaapput, timmisartortartut timmisartunilu saqisut inatsisit malillugit qasuersaarfissaat eqqortinneqartussaammata. Sapaatip akunneratalu uuma suli unammillernartoqarnissaa naatsorsuutigissavarput, Air Greenlandimit allapput.
Sapaatip-akunnerani matumani arlalinnik unammilligassaqassasoq
Ajornatorsiuteqarnerit malitsigisaannik Air Greenlandimit naatsorsuutigineqarpoq, sapaatip-akunnerani matumani arlalinnik unammilligassaqartoqassasoq.
Air Greenlandimit oqaatigineqarpoq, marlunngornermi ilaasussat 238-t timmisartuussinissat allanngortinneqarnerinit eqqugaasimasut, aamma Nuummiit, Kangerlussuarmiit Sisimiuniit Maniitsumillu anglasussat 124-t pingasunngornermi angalaffissat allanngortinneqarnerinit eqqugaasimasut.
- Timmisartuussinissanut qitiusumik sullissivitsinni sulisut sapinngisartik tamaat ilaasussat tamaasa angalanissaannik aaqqiiniarlutik ulappupput, tallimanngornerlu tikillugu allannguinerit pinissaat naatsorsuutigaarput.
- Angalasussanut persaqqusersuinerput ajuusaarutigaarput, Air Greenlandimit allapput.
Bilitsinik tuniniaaneq unitsittariaqarsimagaat
Aasaq manna siusinnerusukkut kitaata sineriaani silarlunnerata Air Greenland ajornaetorsiortissimavaa, ilaasussallu 1.000-it missaanniittut silarlunneranit kitaata sineriaaniit ingerlariaqqissinnaannginnerat pissutigalugut ulloq 11. juli bilitsinik tuniniaaneq unitsikkallartariaqarsimallugu.
Bilitsinik tuniniaaneq ulloq 18. juli ammaqqinneqarpoq.