takornariaqarneq

Kineserit aatsaat taama amerlatigisut Sisimiunut tikeraarput

Nunatsinni illoqarfiit annersaasa tullia marlunngormat kinerserinit tikeraarneqarpoq

Sisimiut marlunngormat takornarianit Kinameersunit tikeraarneqarpoq

Umiarsuaq takornariartaat Ocean Diamond 200-t missaani kineserinik ilaasoqarluni marlunngormat Sisimiunut tikippoq.

Kineserinik takornarianik ataasiarnermi aatsaavissuaq taamak amerlatigisut Nunatsinnut tikeraartut Albatros Expeditions-imi sulisup Malik Milfeldt paasissutissiissutigaa.

Takornariat borgmesteri Malik Berthelsenimit (S) tikilluaqquneqarput.

Ulluni arfineq pingasuni umiartorneq

- Immitsinnut attaveqaatigut pitsaanerulissapput, immitsinut tikeraakulaarnerugutta, taanna takornarianut tikilluaqqusilluni oqalugiaammini ilaatigut oqarpoq.

Albatros Expeditions kalaallit nunaata sineriaani ilisimasassarsiuutigaluni umiarsuarmi takornariartaammi kineserinik takornarissanik angallassinissaq ukiuni arlalinni sulissutiginikuuvaa, Beijinng-imi kineserinik aamma kineserit angalatitsiviannik Caissa-mik isumaqatigiissummik atsioqatigiissimaneq suliffeqarfiup nuannaarutigaa.

Ocean Diamond Kangerlussuarmut uterluni aallannginnermini, ulluni arfineq-pingasuni angalanermini aammattaaq Qeqartarsuarnut, Uummannamut, Niaqornanut kiisalu Ilulissanut talissaaq.

Powered by Labrador CMS