Kinap uranimik tigooraasunngornissaanut aqqut sivisooq
Greenland Minerals Limited nalunaaruteqarnermigut suliniutiminut aningaasaliisussanik kajungilersitsiniarniarpoq. Kalaallit Nunaata uranimut taarsiullugu aatsitassat qaqutigoortut isiginiarnerusariaqarpai. Taama DIIS-imi siunnersortaanerusimasoq, Cindy Vestergaard, naliliivoq.
Australiamiut aatsitassarsioqatigiiffiata Greenland Minerals Limitedip (GML) Kinamiut piginneqataasut Shenghe Resourcesip naalagaaffimmit ingerlatseqatigiiffiutigineqartup China National Nuclear Corporationip ingerlatseqatiiiffiutaanut uranimik suliarinnittarnissaq annissuinissarlu pillugu isumaqatigiissuteqarsimanerminik nalunaaruteqarnera pissusiviusuni isumaqanngilaq. Taama Washington D.C.-mi Stimson Centerimi Nuclear Safeguards Programimi pisortaq, Cindy Vestergaard, oqarpoq. Taanna Dansk Institut for Internationale Studierimi (DIIS) ukiuni qulingiluani ilisimatusartuunertut sulisimavoq, ilaatigut nalunaarusiamik ”Rigsfælleskabets vej fra nultolerance til uranleverandør"-imik – Naalagaaffeqatigiinnerup akuersaanngilluinnarmit uranimik pilersuisutut aqqutaanik – suliarinneqataasimalluni.
Aviisi Sermitsiaq taama allaaserisaqarpoq.
– Isumaqatigiissut pissusiviusuni isumaqanngilaq. Tassami uranimik imaluunniit akuiakkanik uranitalinnik, throiumitalinnik imaluunniit yellowcaketalinnik niuerutiginninnerit annissuinerillu tamarmik atomip nukinganik atortussianik sorsunnerunngitsumut atuinermut nakkutilliineq pillugu Kalaallit Nunaannut inatsit naapertorlugu suliarineqartussaapput, Cindy Vestergaard oqarpoq.
Danmark isumaqatigiinniarnernik isumaginnittuuvoq
Inatsimmit Kalaallit Nunaata Danmarkillu tungaannit uranimik Kalaallit Nunaanni piiaanermut avammullu nioqquteqarnermut atatillugu arlalissuarnik pisussaaffeqarnerat qulakkeerneqarpoq, kiisalu Kalaallit Nunaanni uranimik atortussianillu radioaktiviusunik allanik piiaallunilu annissuinermut atasutut immikkut ittutut nunanut allanut, illersornissamut sillimaniarnermullu politikkikkut pissutsinut tunngatillugu Danmarkip Kalaallit Nunaatalu qanoq suleqatigiinnissaannut sinaakkutissanik aalajangersaasuulluni. Tassunga ilanngullugit Danmarkimi Kalaallit Nunaannilu oqartussat akornanni akisussaaffiit suliassanillu agguataarinerit erseqqissaatigineqarput.
Tamanna pillugu Sermitsiami paasisaqarnerugit – uani ataani aviisimut isissutissarsigit: