Kinamiut uranimik aatsitassarsiorfiat pillugu nipaarluuneq D-p isornartorsiorpaa
Ingerlatsivik CNNC pillugu Sermitsiap apeqqutai aatsitassarsiornermut naalakkersuisup akisimanngimmagit, partiip Naalakkersuisunik tapersersuisup paasiuminaatsippaa.
Aviisi Sermitsiaq sapaatit akunnerni marlunni naalakkersuisoq akisussaasoq, Kinamiut ingerlatsiviat Shenghe Ressources naalagaaffiup pigisaa China National Nuclear Corporation peqatigalugu ingerlatsivimmik Hua Shengimik, aatsitassanik qaqutigoortunik ilaatigut Kuannersuarneersunik nunamut eqqussuisussamik suliarinnittussamillu pilersitsisimanera pillugu qanoq isummernersoq apeqquteqarfigisaraluarpaa, akineqassananili.
Nipaannerlu Demokraatit ippigaat, aviisi Sermitsiaq allappoq.
- Naalakkersuisut apeqqutinik akinnginnerat ajorpoq. Aalajangiinerit ammasumik ingerlanneqarnerat tamat soqutigisarigaat takusinnaasariaqarpaat. Taamak naatsigisumik ersaritsigisumillu oqaatigineqarsinnaavoq. Suliassaqarfimmi tassanii ammasumik oqariartuuteqannginneq eqqumee qaaq, Demokraatit siulittaasuata tullia, Randi Vestergaard Evandsen aviisimut Sermitsiamut oqarpoq.
China National Nuclear Corporation pillugu allaaserisaq aviisimi Sermitsiami, uani ataani pissarsiarisinnaasarni atuarnerusinnaavat: