Skip to main content

Kinamiut suliartornissaat piviusunngungajalerpoq

Suliniutini angisuuni nunat allamiut suliartortussat pillugit inatsit Inatsisartuni Folketingimilu ullumi marlunngornermi oqallisigineqarput

- Ajunnginnerpaamik sullissisoqarnissaa tamatta isumaqatigiissutigaarput, inatsisissatullu siunersuutip amerlanerussuteqartunit akuersissutigineqarnera nuannaarutigaara, inatsisilerinermut ministeri Karen Hækkerup Socialdemokratineersoq nunat allamiut suliartortussat pillugit inatsimmi siunersuummi Folketingimi siullermik oqallisigineqareersoq naggasiilluni oqarpoq.

Doris Jakobsen Siumumeersup siullermeerlugu oqallisigineqarnera nuannaraa.

- Suliniutit angisuut neriuuteqarfigilluakkatta inatsisiliuunneqarnera pingaaruteqarpoq. Nunatsinni suliniutinut angisuunut inatsisip ingerlaqqinnerivaa, Doris Jakobsen oqarpoq.

Kalaallit Nunaanni Danmarkimilu kiniiserit suliartortussat annertuumik oqallisigineqarsimanerat suliniutinut angisuunut aningaasaliinianut sunniuteqarsimasoq oqarpoq. 

- Kalaallit Nunaanni inuussutissarsiorneq pillugu Folketingimi ataatsimeersuartoqarmat paasivarput oqallinnerput sunniuteqarsimaqisoq, Doris Jakobsen oqarpoq. 

- Kalaallit Nunaanni suliniutit angisuut pillugit inatsisiliap Danmarkimi suliarineqartussaanera Kinamiut aningaasaliiniartut soqutiginninnerat annikillisimasoq ilisimatuumit oqaatigineqarpoq, Doris Jakobsen oqaluttarfimmit oqarpoq. 

Nalimmassaaneq
Siumumi politikkerip erseqqissarpaa Kalaallit Nunaanni nutaanik Naalakkersuisoqalerneratigut suliniutinut angisuunut inatsit nutarterneqartoq nalimmassarlugu, Kalaallit Nunaanni kattuffinnit Inatsisartunilu isumaqatigiiffiusumik. 

- Suliniutinut angisuunut inatsip suliarineqarnera suliarineqarluartariaqarpoq, aningaasaliiumasut tatigisariaqarpaat suna aningaasaliiffigissanerlugu, Doris Jakobsen oqarpoq. 

Inatsisartuni nunat allamiut suliartortussat siullermeerlugu oqallisigineqarnerani Sara Olsvig Nuummi peqataavoq. 

- Inatsimmut allannguut taperserparput, Nunattali oqartussaaffii aalajangiisinnaa-titaaffiilu akiginianngilagut, IA.gl-imi oqarpoq.

- Inatsisip nassuiaatitaani aatsitassat qaqutigoortut pillugit immikkoortumik ilan-ngussisoqarsimavoq. Tassani danskit naalakkersuisui allapput, suliartornissamik akuersissutinik aatsaat tunniussaqartoqarsinnaasoq Naalakkersuisut danskillu naalakkersuisuisa akornanni suliniutit taama ittut pillugit paasissutissanik avitse-qatigiinnissamik isumaqatigiissusiortoqareertillugu.

- Tamanna suunngitsutut nipeqarsinnaavoq Inuit Ataqatigiinniilli taamatut immik-kut piumasaqaatilersuineq akuersaarsinnaanngilarput, aamma inatsisip nassuiaa-titaaniiginnaraluartoq. Inatsisip nassuiaatitai inatsisip qanoq paasineqarnissaanut tunngaviupput, inatsisiviatulli pingaaruteqartigalutik, Sara Olsvig allappoq. 

Enhedslisten SF-ilu isumaqataanngitsut
Danskit partiivisa ilaat Enhedslisten Folketingimi ataatsimiinnermi inatsissatut siunersuut isornartorsiorpaat. 

- ILO-mut atorfinititsisarnermullu inatsimmut siunersuut naleqqutinngilaq, Finn Sørensen oqarpoq. 

Siunersuut SF-imit itigartinneqarpoq. 

- Siunersuut torinngitsuuvoq, Annette Wilhelmsen SF-imit oqarpoq. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER