Skip to main content

Kinamiut russillu Issittumi sunniinerat USA-p annikinnerpaamiitinniarpaa

Issittumiinngikkutta inissaraluarput Kinap Ruslandillu pinngitsooratik tigussavaat, amerikamiut nunanut allanut tunngasunut ministeriat Islandimi tikeraarnermini taama oqarpoq.

USA-p Issittumi inissisimanini nukittorsarusuppaa, tamanna Kinamut Ruslandimullu akissutitut isigineqassaaq. Amerikamiut nunanut allanut tunngasunut ministeriat Mike Pompeo Islandimi tikeraarnermini taama oqarpoq.

Mike Pompeo ministeriuneq Katrín Jakobsdóttir aamma nunanut allanut tunngasunut ministeri Guðlaugur Þór Þórðarsson naapippai, illuatungeriillu niuernermi suleqatigiinnerup pitsaanerulernissaa isumaqatigiissutigaat.

Taassuma saniatigut Mike Pompeop isertuutinngilaa Islandip Issittumi inissisimanera pissutigalugu soqutiginninneq annertunerulersimasoq.

Russimmi kinamiullu Issittumi suliaqarnerulernerannut akisariaqarneq pisariaqartutut isigaa.

- Takusinnaavarput USA-p akerlerisaasa Issittumi atortuminnik annertunerusumik inissitsiterinat, tamassumalu kingunerissavaa USA-ginnaanngitsoq, aammali Island europamiullu nunat allat sanngiinnerusumik inissisimalernerat, Mike Pompeo Reutersimut oqarpoq.

Taamaammat amerikamiut Issittumi inissisimalluarnissaat, amerikami nunanut allanut tunngasunut ministerip pisariaqarsoraa.

- Nalunngilarput nunat Kinatut Ruslanditullu ittut inissaq tiguniassagaat.

Kinamiut russillu sumiiffimmi suliaqarnerulernerannut USA qanoq akissanersoq aperineqarami, Pompeo ima akivoq:

- Sumiiffimmi ikinngutissarnik nassaassaatit suleqatigilerlugillu, naapissavatillu oqaloqatigalugillu USA tunuartilissappat qanoq iliussanersut. Peqanngikkutta tamanna pinngitsoorneqarsinnaanngilaq.

Issittumi Siunnersuisoqatigiit siulittaasuuffiat maanna Finlandimit tigummineqartoq, maajimi Islandip tigussavaa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER