Skip to main content

Kinamiut namminiilivinnermut tapersiinngillat

Kina 'Danmarkimut ataasiusoq' politikki ingerlapparput, kinamiu generali taama oqarpoq.

Kalaallit namminiilivinnissaannut politikkikkut tapersersortissarsiorniaraanni Kinamut tapersersortissarsiortoqassanngilaq.

Kinamiut illersornissamik suliaqartartuisa aallartitaanit Københavnimi Forsvarsakademietimut pulaarnerisa kingorna tamanna paasinarsivoq.

Kina pissaanilissuaq Kalaallit Nunaanni aningaasaliinissamut soqutiginnikkaluartoq, aamma Namminersorlutik Oqartussanut attaveqaraluartoq, namminiilivinnissamut apeqqummut tunngatillugu mianersortoqarsimavoq. Taamatullu mianersorneq nunap attatiinnarniarpaa.

- Danmarkip susassaqarfiinut akulerunnianngilagut, general Li Quan, Beijingimi Academy of Military Sciencemeersoq, Forsvarsakademietip isumasioqatigiisitsinerani taama oqarpoq.

Pilersaarusiornermut tunngasuni suleqatigiinneq

Kinap nammineerluni ’susassaqarfinnut akulerunnermut’ tunngasuni Beijingimi naalakkersuisut malussariffigisaqarput. Tibetip inissisimaneranut aamma inuit pisinnaatitaaffiinut tunngasunut apeqqutit qaqinneqartillugit tamanna atuuppoq. Minnerunngitsumillu Taiwanimut atssuteqarnermut tunngatillugu, kinamiut tungaannit tamanna Kinap ilarisaatut isigineqarpoq. Kina atassuteqarfiginissaa kissaatigigaanni, Kinap ataasiusup politikkia ataqqineqartariaqarpoq.

- Danmarki aamma Kinap suleqatigiinnerat ataqqeqatigiinnermik tunngaveqarpoq, Naalagaaffeqatigiittoqarneralu ataqqivarput, general Li Quan oqarpoq.

- Danmarki ataasiusoq politikki ingerlapparput, taanna ilanngullugu oqarpoq.

Danmark aamma Kina pilersaarusiornermut suleqatigiinnissamut 2008-mi atsioqatigiipput, Danmarkillu Kinamut qanittumik atassuteqarneranik tamanna isumaqarpoq. Københavnimi uumasuusivik apriilimi marlunnik pandanik Kinameersunik uumasoqalermat, kinamiut tungaannit attaveqaqatigiilluarnermik tamanna ataqqinninnermik takutitsineruvoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER