Skip to main content

Kinamiut London Mining Greenland pigilerpaat

Tuluit aatsitassarsiortitseqatigiiffiata London Miningip akiliisinnaajunnaareernerata kingorna London Mining Greenland kinamiunit maanna pigineqalerpoq

London Mining Greenland, Nuup Kangerluani Isukasiani nunap qaavani aatsitassarsiorfimmik sananissamik pilersaaruteqartoq, ukiuni 3,5-ini sanaartorneq ingerlassalluni aammalu maannamuugallartoq ukiuni 15-ini aatsitassarsiorfimmik ingerlatsinissamik naatsorsuuteqartoq, nutaanik piginnittoqalerpoq.

Taama Namminersorlutik Oqartussat tusagassiuutinut allapput.

London Mining, 2013-imi Nuup Kangerluani Isuani savimminissamik piianissaminut akuerineqartoq, akiitsunik, saviminissat akikillinerinik, Sierra Leonemilu aatsitassarsiorfituaqarfimminni ebolamik nappaalaminermik eqqornerlunneqarujussuartup, Isuani savimminissamik piianissaminut akuersissutaatini General Nice Development Limitedimut Hong Kongimit aallaaveqartumut tunniuppaa.

Atuaruk: Suliffeqarfik kukkunersiuinermik suliaqartartoq London Mining aqulerpaa

- Ingerlatseqatigiiffiup London Mining Greenland A/S-ip toqqaannanngitsumik tunniunneqarnissaa Naalakkersuisut ulloq 21. december 2014 akueraat. London Mining Greenland A/S, Kalaallit Nunaata kitaani Isukasiani saviminissarsiorfissamut piiaanissamut akuersissummik peqartup, ingerlatseqatigiiffik qullersaqarfiata taaguuteqartup London Mining Greenland (1) (Jersey) Limited, aktiaatai maannakkut ingerlatseqatigiiffimmut General Nice Development Limited tunniunneqarput, Namminersorlutik Oqartussat taama allapput.

Atuaruk: London Mining akiliisinnaajunnaalersoq

Nunami 80-ni ingerlatsiveqartoq
Namminersorlutik Oqartussat paasissutissiinerat najoqqutaralugu suliffeqarfissuaq maanna London Mining Greenlandimik piginnittuulersoq nunani 80-init amerlanerusuni aamma Kinami, Singaporemi, Indonesiami, Indiami, Thailandimi, Tajikistanimi, Sydafrikami, USA-mi, Australiami aamma Ruslandimi nunap immikkoortuini 100-nit amerlanerusunik ingerlatseqatigiiffinnik immikkoortortaqarpoq.

- Naalakkersuisut naliliipput suliffissuaq aningaasalersuutissanik pisariaqartunik pissarsinissamut periarfissaqartoq, ilanngullugit Kalaallit Nunaata kitaani Isukasiani piiaanissamut akuersissutip ineriartorteqqinneqarnissaanut nammineq aningaasaatinut aningaasalersuineq, aningaasassarsinissaq aamma avataaniit taarsigassarsilluni aningaasalersuinissaq. 

London Mining Greenlandip taaguutini taaguutigiinnassagaa aammalu Nuummi qullersaqarfeqaannassasoq ilanngullugu ilisimatitsissutigineqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER