Kangilinnguit
Kinamiut Kangilinnguit pisiariumagaluarpaat
Kinamiut suliffeqarfiutaat Kangilinnguit pisiarissallugit soqutiginnikkaluarpoq, kisianni neqeroorut Danmarkimit itigartinneqarpoq
Sapaatip-akunnerani kingullermi danskit naalakkersuisuisa aamma partiit illersornissamut isumaqatigiissuteqartut Kujataani sakkutooqarfik Kangilinnguit sakkutuut pigiinnarnissaannik aalajangernernerat, tassanngaannartumik atortunik aamma sungiusarnernut pisariaqartitsisoqalerneranik pissuteqanngilaq.
Sakkutooqarfik Kinamiunit piserusuttunik pigineNunatsinni sakkutooqarfik illersornissaqarfiup atuleqqippaaqalersinnaanerata, aasaanerani sulinngiffeqarneq sioqqullugu ministeriuneq Lars Løkke Rasmussen (V), Kangilinnguit sakkutuunit pigiinnarneqarnissaanut politikkikkut tapersersortissarsiortippaa.
Defencewatch.dk pingasunngornermi taama allappoq.
Atuaruk: Nunatsinni sakkutooqarfik illersornissaqarfiup atuleqqippaa
Neqeroorut itigartinneqartoq
Pisiumasut soqutiginnittut naapertuuttumik neqerooruteqartut amerlanngillat. Kisianni soqutiginnittut akornanni Kinamiut suliffeqarfiutaat ilaavoq, tamannalu ministeriunerup aasalernerani partiini illersornissamut isumaqatigiissuteqartuni aqutsisut paasitinneranut pissutaavoq.
Ministeriunerup Lars Løkke Rasmussenip Kinamit neqeroorut itigartippaa, Defencewatch.dk allappoq.
Atuaruk: Kangilinnguit siunissaa oqaluuserineqaqqittoq