Kinamiut internetsikkut paasissutissaasiviat kalaallit pillugit paasissutissanik ilaqartoq

Air Greenlandimi aamma Kalaallit Airtportsimi siulersuisuni ilaasortat siusinnerusukkullu ilaasortaasimasut, Kinamiut internetsikkut paasissutissaasivianni ilaasut paasineqarsimavoq. Kim Kielsen aamma taakkununnga ilaavoq.

En række engelske hospitaler er formodentlig blevet udsat for et omfattende cyberangreb

Kalaallit Nunaanni politikkerit inuussutissarsiortullu 60-inik amerlanerusut attaveqaatinut pingaarutilinnut attuumassuteqartut, Kinamiut internetsikkut paasissutissaasivianni assitalerlugit, sumik atorfeqarnersut ilaqutaannullu tunngassuteqartut saqqummiunneqarsimapput. Taamatut tallimanngornermi allappoq Jyllands-Posten.

Forsvarsakademimi ilisimasalik naapertorlugu, inuit pissaanillit sunik soqutigisaqarnersut paasiniarlugu qanoq sunnerniarneqarsinnaanersut kikkullu sunnerniarlugit oqaloqatigineqarsinnaanersut matumani pineqarpoq

Nunami maani inuit 60-inik amerlanerusut toqqartaatigineqartut ilagaat Kim Kielsen aamma Air Greenlandimi Kalaallit Airportsimilu siulersuisuni ilaasortat arlallit siusinnerusukkullu ilaasortaasimasut, aviisi allappoq.

Kinami naalakkersuisunut tunniunneqarsimasut

Internetsikkut paasissutissaasivinnik ilisimasallit arlallit isumaqarput, allattorsimaffik qularnanngitsumik kinami oqartussanit pissarsiarineqarsimassasoq.

Marlunngormat paasineqarpoq, Kinami suliffeqarfik Zhenhua danskit nuimasut 700-nik amerlanerusut pillugit paasissutissanik katersisimasoq. Maanna paasinarsivoq, Kalaallit Nunaanni Savalimmiunilu politikkerit inuussutissarsiutillillu internetsikkut paasissutissaasivimmi aamma nassaassaasut. Jyllands-Posten naapertorlugu Savalimmiormiut 160-inik amerlanerusut allattorsimaffimmi ilaasut.

Forsvarsakademimi ilisimasalik naapertorlugu Kinap nunanut allanut politikkeqarnermini Issittumi politikkerinik inuussutissarsiuteqartunillu paasiniaasarneranik tamanna ingerlateqqitaasoq.

Kina Issittumut isigisoq

Kinap Issittumut Kalaallillu Nunaannut tunngatillugit soqutigisaqarnini arlaleriarluni takutittareerpaa, ilaatigut Shenghe Resourcesip aatsitassarsiutileqatigiiffimmut Greenland Mineralsimut, Kujataani aatsitassanik qaqutigoortunik Uranimillu piiaanissamut akuersissummik pissarsiniarluni sulissuteqartumut aningaasaliissuteqarsimanermigut aamma Issittsumik sakkutooqarfeqalernissamik pilersaaruteqarnermigut.

Kinap Danmarkimi ambassadeqarfiata Jyllands-Postenimut allakkatigut akissuteqarnermini ilisimatitsissutigisimavaa, suliffeqarfik Zhenhua Kinami naalakkersuisunut attuumassuteqanngitsoq aamma suliffeqarfiusoq namminersortumik pigineqartoq.

Powered by Labrador CMS