tele

Kinamiut akerleriissutaasut imaatigut kabelimik isumaqatigiissummik pissarsisut

Huawei kabelip immap naqqatigoortup Avannamut tallineqarnissaanik terminalillu pioreersut nutarterneqarnissaannikisumaqatigiissummik pissarsivoq. Taamaalilluni Kalaallit Nunaanni tamarmi internettimik atuineq tamarmisuliffeqarfiup, USA-mit Australiamillu Kinami oqartussat sinnerlugit isertortumik paasiniaasartuusututernummatigineqartup, atortorissaarutaasigut ingerlanneqartussanngorpoq

Kinamiut suliffeqarfiat Huawei immap naqqatigut kabelip Aasiaat tikillugu avannamut ingerlasussap nunaliffiini terminaliinut atortorissaarutinik pilersuisussanngorpoq.

Pisussaq tamanna iluatsillugu immap naqqatigut kabelip pioreersup Nuup, Kujataata, Islandip Canadallu akornanniittup atassuserneqarnerata nutarterneqarnissaanik isumaginnissaaq, attaveqaat siunissamut qularnaarneqarsinnaaleqqulllugu, patajaanneruleqqullugu pisariaqalerpallu paasissutissanik arfinileriaammik annertunerusunik nuussisinnaaleqqullugu.

Tamanna Tele-Postimi periusissanut suliniutinillu aqutsinermut pisortap Flemming Drechselip AGmuut uppernarsarpaa.

USA aamma Australia qujaannartut
Huaweip atortorissaarutini, attaveqaatini kodenilu, maluginiassallugit aqussinnaassallugillu ajornakusoorluinnangajattuni, periarfissat aqqutigalugit Kinami oqartussat sinnerlugit isertortumik paasiniaasartutut pasineqarpoq.

Taamaalilluni suliffeqarfik Amerikami isumalioqatigiissitamit »naalagaaffimmut isumannaallisaanermi aarlerinaateqartutut« 2012-imi oqaatigineqarpoq, Kinami oqartussanut arlalinnut qanimut attaveqartuummat. Amerikami isertortumik paasiniaasartoqarfinnut CIA-mut NSA-mullu pisortaasimasoq, Michael Hayden, aappaaguani oqarpoq, Huawei Kinap naalagaaffia sinnerlugu isertortumik paasiniaasartuusoq.

Tamannarpiaq tunngavigalugu Huawei USA-mi taamaallaat inuinnarnut nioqquteqarsinnaatitaavoq, telemili attaveqaatit pisortatigoortut avataaniitsinneqarluni.

Australiamiut aamma Huaweip naalagaaffimmi attaveqaatinit ingalassimatinneqarnissaannik aamma aalajangersimapput. Canadami oqartussanit Huaweimi atorfillit marluk sulisinnaanissamut akuersissutinik tunineqarnissaat siorna itigartitsissutigineqarpoq, isertortumik paasiniaasoqarnissaa ernummatigalugu.

Forsvarets Efterretningstjeneste allatut isumaqalertoq
Danmarkimimi Huaweip TDC-p mobilinut attaveqaataanik annertusaanisaanissamut isumaqatigiissummik 2013-imi pissarsinera annertuumik akerleriissutaalerpoq.

CIA-p Danmarkimi assipajaava, illersornissaqarfiup isertortumik paasiniaasartoqarfia, Forsvarets Efterretningstjeneste, Huaweip atorneqarneratigut isertortumik paasiniaasoqaratarsinnaaneranik aarlerinaammik 2011-mi mianersoqqusivoq, kingornali sillimanissamut maleruagassanik pilersinneqartunik akuersissutiginnilluni.

- TDC-imit ullumimkkut Center for Cybersikkerhedip FE-p ataaniittup TDC-mut isumaqatigiissutinik ajornartorsiutitaqanngitsutut isiginninnera isiginiarneqarpoq. Tamannali FE-mit siusinnerusukkut naliliisimanermut akerliulluinnarpoq. Aningaasarpassuit pineqarput, inuinnarnullu kiisalu aningaasaqarnermut tunngasut sakkutooqarnermut isumannaallisaanermullu tunngasuni ajugaatinneqarsimagunarput, tusarfik qitiusumik inissisimaffeqartoq kinaassutsiminillu isertuussisoq Politikenimut tamatumunnga atatillugu oqarsimavoq.

AG uani sapaatip akunnerani suliaq pillugu imartuumik allaaserisaqarpoq:

Powered by Labrador CMS