Skip to main content

Kinami VM: Kalaallit soqutigineqarluarput

Naak kalaallit nunanut allanut unammisartut ajorsaraluartut, Kinamiunit soqutigineqarluarput

Kalaallit Nunaannut sulorarluni nunanut allanut unammisartut ullumi sapaammi tallimariarlutik unammigamik tallimariarlutik ajorsarput. Nunarsuarmi pissartanngorniunneq Kina-mi ulluni makkunani ingerlanneqartumi peqataapput.

Macao-imut unammereernerisa kingorna nunanut allanut unammisartunut sungiusaasoq Rune Svenningsen Sermitsiaq.AG-mit oqaluunneqarpoq.

- Unammisartunut pitsaanerusunut ajorsarpugut. Sukkanerupput aamma arsamik aqutsillaqqinnerupput. Taamaattoq unammisartugut akiuulluarput tamarmik takutitsilluarlutillu, oqarpoq.

Timersortarfissuaq nippaarissoq
Kalaallit unammineranni Kina aamma unammivoq.

- Timersortarfissuaq inunnik ulikkaavippoq nipeqartorujussuulluni. Illersuisorpassuit isiginnaarput, taamaattumik uagut unamminitsinni oqaloqatigiinniarnerput ajornartorsiutigaarput, tassali nipeqangaarmat. Aatsaat taama nipitutigisumi unammivugut, misigisaq puigunaassaaq, Rune Svenningsen oqarpoq.

Unammisartut soqutigineqarluartut
Kalaallit nunanut allanut unammisartut Kinamut apuupput sisamanngormat.

- Tamarmik ajunngeqaat. Sila 35-nik kiappoq timersortarfia 20-t missaannik kiattarluni. Sulorartartut tusaamasarsuit akornaniippugut, tassami sungiusarnerni OL-imi VM-imilu pissartaasartut isiginnaartarpagut.

- Unammisartugut kiniiserinit soqutigineqartorujussuupput, nutaarsiassaqartitsivinnit arlaleriarlutik apersorneqareerlutik. Kiniisererpassuit paasisinnaanngilaat sooq Kalaallit Nunaat taama angitigisoq sooq taama inukitsiginersoq, Rune Svenningsen oqaluttuarpoq.

Apersorneqarnermi nipilersussasoq
Kinami nuna tamakkerlugu nutaarsiassaqartitsivik CCTV Kalaallit Nunaat pillugu allakaatitassiorniartoq sulorartartut kattuffiata nalunaarutigaa.

- Marlunngorpat Kazakhstan unammereerutisigit unammisartut Jens-Frederik Nielsen, Frederik Elsner, sungiusaasoq Rune Svenningsen, siulittaasorlu Michael Kleist apersorneqassapput. Tusarnikuugamikku Frederik Elsner Nunatsinni nipilersortartuusoq nipilersorsinnaanersoq misissorpaat, ilisimatitsipput.
 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER