Demokraatit
Kina mersernartumut ingikkusuppa?
Demokraatini siulittaasunngortoq mersernaqisumut ingittusanngorpoq. Peqqarniitsumik naaperiaasoqartariaqarpoq sipaarutissallu annertuut nassaarineqarlutik. Taamaakkaluartoq arlallit atorfiup tigunissaa takorloorpaat
Demokraatini siulittaasunngorneq tassaasinnaavoq nunatsinni atorfiit nungullarnarnersaat inuttaasussarlu sinimmik ilaquttanillu aliannaasaaqateqarnerup pilliutiginissaanut piareersimasariaqarluni.
Anda Uldumimik taarsiisussaq siullermik aningaasanut aatsitassanullu naalakkersunngornissaminut piareersimassaaq atuuffimmi taanna Naalakkersuisutut atuuffinni artornarnerpaavoq.
Atuaruk: Anda Uldum politikkimit tunuarpoq
Kaammattuillaqqissoq oqallorissorlu
Inuk pineqartoq aamma piareersimasariaqarpoq imminut allanngortinnissaminut partiimilu tunngaviusut naleqqussartariaqartarlugit Siumumik naalakkersuisooqateqarsinnaassaguni; aamma pisut ilaanni Demokraatit anguniagaasa qimattariaqartarneranni tunuliaquttaminit upperineqassaguni suleqatiminut kaammassuillaqqissuullunilu oqallorissuussaaq.
Atuaruk: Uldum stresserluni suliunnaarallarpoq
Partiimi aaqqissuusaanikkut siulittaasup tullianut misilittagartuumut Michael Rosingimut suliassaq taanna immikkuullarissuunngilaq:
- Imaattuaannanngilaq naalakkersuisooqataaneq ilungersunartuaannarluni isumaqatigiinnissamik angusaqarniaannaavilluni. Aamma IA-mik naalakkersuisooqataagatta peqataavunga tamannalu aamma ilungersunarsimaqaaq. Taamaattumik maannakkut Siumuunera allaanerussuteqangaanngilaq. Naalakkersuinikkut pissutsit tamaasa nalilersoraanni Siumukkunnut amerlanerusunik ataatsimooruteqarpugut, oqarpoq.
AG-mi uani sapaatip akunnerani saqqummertumi allaaserisaq tamaat atuaruk, taanna uani pisiarisinnaavat: