Skip to main content

Kim: USA akerarineqalinngilaq

Trumpip Kalaallit Nunaata pisiarinissaanik kissaateqarnera pillugu suliami Mette Frederiksenip iliuuserisai Kim Kielsenip nersualaarpai.

Naalakkersuisut siulittaasuata, Kim Kielsenip (S), USA-mik suleqateqarnerup ukiuni aggersuni nukittunerulernissaa naatsorsuutigaa.

Aviisi Sermitsiaq taama allaaserisaqarpoq.

– Ulluni kingullerni pisut nalilersorpavut, aammalu USA-p præsidentiata Ataqqinartorsuup Dronning-ip qaaqqusissutaanut takkunniarani nalunaarnera tusaatissatut tiguinnarsinnaavarput. Taamaattorli aamma naatsorsuutigaaara USA-mik suleqateqarnerput pitsaasoq ingerlaaannassasoq nangittumillu ineriartortinneqassasoq, Kielsen Sermitsiamut oqarpoq.

Ilanngullugu Kielsenip oqaatigaa ulluni kingullerni Trumpip Kalaallit Nunaannik pisinissaminik soqutiginninninera aallaavigalugu aalassassimaarnerup ersersikkaa Kalaallit Nunaat Danmarkilu patajaatsumik suleqatigiillutillu ataqatigiilluartuusut:

– Assut nuannaarutigivara Statsministerip qisuariarnera. Taassumami uppernarsarpaa uummammit pisumik inuiannut Kalaallinut nunatsinnullu ataqqinnittuulluni, tamanna toqqissisimanarpoq suleqatigiilluarnittalu ingerlaannarnissaa pitsaasumik naqissuserneqarpoq, aamma nammineernerulernissatsinnut aqqutissiuussigaluaruttaluunniit. Qanorluunniit pisoqaraluarpat immitsinnut naatsorsuutigisinnaanerput tapersersoqatigiissinnaanerpullu uppernarsarneqarluarpoq.

– Taamaattorli erseqqissassavara ulluni makkunani pisut piinnarlugit USA akeranngunngimmat, itersarsualiussanngilagut suleqatigiinnerput innarlerlugu, paarlattuanilli suleqatigiinnerput nukittorsassavarput, minnerunngitsumik aamma niuernikkut suleqatigiinnerput issittullu tamarmi illersugaalluni ineriartortuarnissaa pillugit, Naalakkersuisut siulittaasuat, Kim Kielsen (S) oqarpoq.

Trumpip taamaatitsinerata kingorna qisuariaatit naliliinerillu amerlanerusut avisiimi Sermitsiami atuarsinnaavatit. Uani ataani isissutissarsisinnaavutit:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER