Kimip tapersersortaa: Mittarfiit qassiiliornermut pissutaapput
Siumumi ilaasortat, Kim Kielsenip siulittaasuuneranik tulluartitsisut, Kim Kielsenimut pikititsinermut pisassiissutit pissutaasorpiaanera upperinngilaat.
Siumumi pikitsitsisut arfineq-marluk ammasumik allagaqarnerminni ilaatigut qaleralinnut qilalukkanut qernertanut pisassiissutit tikkuartorpaat, tassani Kim Kielsenip qineqqusaarnermi neriorsuutiminik sumiginnaaneranik isumaqarput. Kisianni Kim Kielsenip tapersersortaasa tamanna piviusumik tunngavigineqanngitsoq isumaqarput.
AG taama allaaserisaqarpoq.
Allamik pissuteqartoq taakku isumaqarput, Avannaatalu Kommuniani borgmesterip, Palle Jerimiassenip suna pissutaanersoq oqaatigaa: tassa mittarfiliortiternissamut suliniut.
- Allatummi tamanna paasineqarsinnaanngilaq. Mittarfissualiornissamut isumaqatigiissutip
atsiornissaa arlaleriarlutik unitseriaqattaarpaat. Naliliinerali naapertorlugu Kim Kielsen tassunga
akisussaatinneqarsinnaanngilaq. Inatsisartuni naalakkersuisunilu ilaasortat naammaginnigunnaartut Kalaallit Airport A/S-ip mittarfissualiornermik ingerlatitseqqinnissaanut pisinnaatitaaffimmik tunniusseqataanikuupput. Kalaallit Airports pikkorissunik sulisoqarpoq aammalu siulersuisoqarluni Naalakkersuisunit toqqakkanik, Palle Jerimiassen oqarpoq.
Taakkunannga pikitsitsisunit arfineq-marlunit allagaq tamanut ammasoq Siumup immikkoortoqarfiinut nassiunneqarpoq. Taakku arfininngorpat tungaanut akissuteqarnissamut periarfissaqarput, Kim Kielsenip tatigineqarunnaarneranut tapersersuinerlutik. Tamutuma kingorna Siumumi attuumassuteqartut Kim Kielsenip ingerlaqqinnissaanut suli tunngavissaqarnersoq, aalajangiiffigissallugu ataatsimiissapput.
Suliaq pillugu AG-mi paasisaqarnerusinnaavutit, taanna uani ataani isissutissarsiffigisinnaavat: