Inatsisartut
Kimip parteeqatai sooruna tusarsaanngitsut?
Politikerit suliassaminnut ilungersuuteqartartutut inuiaqatigiillu ineriartornerannut sunniuteqarusuttarnerat ilimagineqartariaqarpoq. Tamatumunnga atatillugu Inatsisartut ataatsimiinnissaat sioqqullugu partiit ilaata ilaasortaasa nipaannersuat tupinnalaanngitsuunngilaq
Siumup Inatsisartuni ilaasortaatitai Inatsisartut ukiakkut ataatsimiinnissaannut inatsisissatut siunnersuutinik nutaanik oqallisigineqartussanilluunniit allanik saqqummiussinissaminnut tunuarsimaartorujussuupput.
Siumumiit aalajangiiffigisassatut siunnersuutigineqarsimasut marluinnaapput, AG allappoq.
Ilisimasavut naapertorlugit partiimit siunnersuutigineqartut aatsaat taama ikitsigipput. Partiip ilaasortaatitai 2015-imi aamma 2016-imi sulerusussuseqarnerusimagaluaqaat.
Ukiuni tulleriinni pineqartuni taakkunani aalajangiiffigisassatut siunnersuutaat qulingiluat saqqummiunneqarput. Taakku saniatigut apeqquteqaat tunngavigalugu oqallisigisassanngortinneqartut arlaliullutik.
Avissaartuunnginnerartut
Siumukkormiut ukioq manna sooq taama siunnersuuteqanngitsiginersut AG-mit Jess Svane aperineqarpoq. Siumumit siunnersuutigineqartut aappaannut taanna siunnersuuteqartuuvoq; Uummannami umiarsualiveqarnerup pitsanngorsarneqarnissaanut tunngasumik.
- Ilaasortat taama ikitsigisunik siunnersuuteqarnerat nammineerlunga aamma tupaallaatigaara. Tamannalu sumik patsiseqarnersoq, Siumup ilaasortaatitaanut apeqquteqaatigaara. Tamatumunnga nassuiaatigineqartoq tassaavoq; oqaluuserisassanngortitsinnginnermi inatsisinut tunngasut arlallit aaqqinneqaqqaarsimasariaqarnerat. Suliallu tamatuma ingerlanneqarnera ilungersunarsinnaasarpoq, taanna oqarpoq.
- Ukiulli siuliinut naleqqiullugu piumasaqaatigineqartut sakkortunerunngikkaluarput?
- Aap, kisianni siunnersuuteqarnissaq ajornaatsuinnaaneq ajorpoq. Piumasaqaatigineqartut aaqqinneqareersimasariaqarput.
- Partiip ilaasortaatitaasa akornanni isumaqatigiinngitsoqarneranik tamanna pissuteqanngilaq?
- Aap taamaanngilaq, Jess Svane erseqqissaavoq.
Allaaserisaq tamakkerlugu sapaatip-akunnerani AG aviisimi saqqummertumi atuaruk. Aviisi digitaliusoq uani pisiariuk: