Skip to main content

Kim: Illersornissaqarnerup iluani USA-mik suleqateqarneq pingaaruteqarpoq

Nunanik allanik suleqateqarnerup pingaaruteqassusaa Kim Kielsenip ukiortaarsiortitsinermut atatillugu oqalugiarnermini pingaartillugit oqaatigai

Naalakkersuisut Kalaallit Nunaata Københavnimi Sinniisoqarfiani sisamanngornermi 2019-imi januaarip qulingani ileqquusumik ukiortaarsiortitsipput. 

Naalakkersuisunut siulittaasoq Kim Nielsen (S) oqalugiarnermini Kalaallit Nunaata nunanik allanik suleqateqarnerup pingaaruteqassusaa arlaleriarluni oqaatigaa.

USA-p Pituffimmi sakkutooqarfeqarnera oqalugiaammini aamma oqaaseqarfigaa.

- Naalakkersuisut USA-mik NATO-millu illersornissaqarnerup iluani suleqatigiinneq Nunatsinnut pingaarutilissuartut isigaarput, Kim Kielsen ilaatigut oqarpoq. Ukiortaarsiortitsinermi najuuttunut ilaapput nunanut allanut ministeri Anders Samuelsen (LA), illersornissamut ministeri Claus Hjort Frederiksen (V) kiisalu Naalakkersuisunit Vittus Qujaukitsoq aamma Ane Lone Bagger.

- Taamaattoq tassunga atatillugu Naalagaaffeqatigiinnerup iluani amerikarmiut sakkutuuinut Nunatsinni inissaqartitsisuugatta, tamanna pissusissamisoortumik aningaasaqarnikkut pissarsiaqarnissatsinnik malitseqassasoq qulakkeertariaqarparput, Kim Kielsen oqalugiaammini erseqqissaavoq.

Kalaallit Nunaata nunanit allanit soqutigineqariartuinnarnera Kim Kielsenimit nuannaarutigineqarpoq.

- Nunanut allanut attaveqarnitsinni siorna pingaarutilinnik angusaqarpugut. Ilaatigut Ilulissanit nalunaaruteqartoqarneraniit ukiut qulinngortorsiornerit nunatsinni malunnartinneqarput.
Ukiunik qulinngortorsiorluni nalliuttorsiorneq nunani issittuni ministeriniit atorfilittaniillu peqataaffigineqarpoq. Ilulissanit nalunaarut 2008-mi suaarutigineqarmat nunat akunnerminni neriorsoqatigiipput issittumi ineriartortitsineq eqqissisimasumik suleqatigiissutigineqassasoq. Tamannalu pitsaasumik kinguneqarsimasoq ukiut kingullerni qulini ersersinneqarpoq. Tamanna tulluussimaaarutissaraarput.

- ulinerli ingerlaannassaaq, nunattalu soqutigisai eqqarsaatigalugit Issittumi Siunnersuisoqatigiit tassaapput nunat tamalaat akornanni oqallittarfiit pingaarnersaat. Nunatta suli malunniuteqarnerulernissaa anguniarlugu tassani suleqataanerput ingerlatiinnartariaqarparput, Kim Kielsen ilaatigut oqarpoq.

Reykjavikimi Kalaallit Nunaata sinniisoqarfeqalernera aamma Brexit oqalugiarnermini iserfigineqarputtaaq.

Ilassinninnerup immikkoortuata aappaani Kalaallit Nunaata ikinngutaanik taaneqartartut ilassineqarput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER