Kim upernaakkut ataatsimiinnermi: Killitsilluinnartoq
Coronap ajornartorsiortitsinera inuiaqatigiinnut sakkortuumik sunniussimavoq. Aamma politikerinut.
Kim Kielsen killitsissimalluinnartoq Covid-19-imik pissutsit nunallu ammariartuaaqqinnissaa pillugit Inatsisartuni oqallinneq sivisoorujussuaq pingasunngormat naggaserlugu oqaaseqarami qullini nakkaatinnaveersaarniarlugit assoroortorujussuusariaqarsimavoq.
Minutsini 15-ini kipisuitsumik oqaluppiq; inuttut pilliutit iserfigigamigit nipaa sajuppalulerpoq. Ilaatigut ilaqutariit imminnut naapisimaarsinnaajunnaaqqasut. Aataakkut ernuttallu qanimut attaveqatigiinnaveersaartariaqarsimasut:
- Piffissami matumani misigissutsit sakkortoorujussuusimapput. Nalunngilara tamassi pissutsini taakkunani uummateqarluarsimasusi, Naalakkersuisut siulittaasuat oqarpoq.
Tamanna sioqqullugu tusarnaartut Naalakkersuisut naalakkersuisoqarfiannut inuiaqatigiit pillugit aalajangigassat marsimiilli aalajangerneqarfigisartagaannut qanoq pisoqartarsimaneranik oqaluttuunniarlugit nassalaarsimavai:
- Soorunami eqqarsaaterpassuaqartarsimavunga. Innuttat tamaasa qinnuttarsimaqaakka. Aamma inuit nuannarisakka; innuttaaqatikka, naalakkersuisut siulittaasuat nassuiaavoq.
Upernaakkut ataatsimiinnermit oqallinneq pillugu aviisimi AG-mi atuarnerusinnaavutit - aviisi uani pissarsiariuk: