Kim Ujarak Lorentzen Islandimi qulingiluaattut inissippoq
Kalaallit Nunaanni Nukittunerpaap Islandimi Magnus Ver Magnusson Strongman Classic sapaatip akunnerata siuliani peqataaffigaa.
Magnus Ver Magnusson Strongman Classic angutinit 14-nit nunanit assigiinngitsuneersunit peqataaffigineqarpoq.
Kalaallit Nunaanni Nukittunerpaaq ukiuni tallimani kingullerni, Kim Ujarak Lorentzen, tassani peqataavoq. Unammisitsineq Magnus Ver Magnussonimit aaqqissuunneqarpoq, taanna sisamariarluni Nunarsuarmi Nukittunersaanikuuvoq.
Nukittuneqqusaannermi unammeriaatsit arfinillit unammissutigineqarput. Canadameersoq Maxime Bordreault ajugaasuuvoq, Kim Ujarak Lorentzen qulingiluaattut inissilluni.
Oqimaatsumik kivitsinermi takutitsilluartoq
Oqimaatsumik kivitsinermi, dødløftimi, Nunatsinnit peqataasoq angusarissaarnerpaavoq. Tassani 325 kilomik oqimaatsigisumik kivittaarinermi, Kim Ujarak Lorentzenip taanna arfinileriarluni kivippaa. Tassani ajugaasup Maxime Bordreaultip arfineq marloriarluni 325 kilo kivippaa.
Kim Ujarak Lorentzen nutaanik siunissamut anguniagasseqqippoq. 1.000 pund, 453 kilo missaaniittoq, aappaagu kivinniarlugu siunnerfeqarpoq.
- Nunarsuatsinni dødløftimik taama oqimaatsigisumik kivitsisinnaasut ikitsuaraapput. Angusaq angisoorujussuussaaq iluatsissinnaassagukku. Upperaara kivissinnaassallugu, Sermitsiaq.AG-mut oqarnikuuvoq.
Magnus Ver Magnusson Strongman Classic-imi angusat: