Skip to main content

Kim Nuummi timersullammattut toqqarneqarpoq

Pisarneq malillugu ullumi januaarip ulluisa arfernani, Kunngit Pingasut Ulluanni, timersortartut nersorniarneqarput.

Kim Ujarak Lorentzen, kivitseriaatsimi dødløftimi naalagaaffeqatigiinnermi ukioq kingulleq oqimaannerpaamik kivitsisoq, Nuummi timersullammattut toqqarneqarpoq.

Katuami timersortartunik angusarissaarsimasunik toqqaanermi taanna nersorneqarpoq Kunngit Pingasut Ulluanni.

Kim Ujarak Lorentzen natermiit kvitsinermi dødløftimi rekordiliisimasutut inissippoq oktobarip 24-ani ukioq kingulleq. Greenland Strongest Inussivimmi ingerlanneqarmat 401 kilo natermiit kivippaa.

- Kim Ujarak Lorentzen ukioq 2016-miit Nunatsinni nukittunerpaajuvoq. Sulili angusaqarnerujumalluni sungiusarneq nerisaminillu nakkutiginneqqissaarneq aalluppai. Killiffik annertooq oktoberip 24-at 2020 anguaa kivitseriaatsimi dødløftimi naalagaaffeqatigiinnermi oqimaannerpaamik kivitsigami 401 kilo kivillugu. Tamannali naammaginagu suli angusaqarnerunissaminik anguniagaqarluni sungiusarpoq, Kim Ujarak Lorentzenip toqqarneqarneranut tunngavilersuinermi ilaatigut oqaatigineqarpoq.

Timersullammak – Kim Ujarak Lorentzen
Kommuneqarfik Sermersooq

Nersorniarneqartut

Nersornaasiinerit sisamat tunniunneqarput. Nersorneqartut allat ukuupput:

Uiloq Mathæussen, Runderful Nuuk - Maligassiuisoq

Allan Juhl timigissartarfimmik Fitnessgl-mik piginnittoq - Suliniuteqarluartoq

Red Barnetsimi Rebekka Olsvig - Immikkut Nersorusutaq

Utoqqaat ukiortaarsiortinneqartut
Pisarneq malillugu Tasiilami Najukkami Ataatsimiititaliap aaqqissuussaanik illoqarfiup utoqqartaat ukiortaarsiortinneqarput.
Harald pulaarpoq
Borgmesterip tullersortaata aappaa, Harald Bianco, Tasiilami ikiorsiisarnermut aaqqiissutit assigiinngitsut ulluni makkunani alakkallattaavai.
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER