Skip to main content

Kim Kielsen: Siunnerfik ersarippoq

Inuiaqatigiit tassaarsuarmit eqqugaammata, mittarfissat nutaat akuersissutigineqarmata, naalakkersuisoqatigiit ajalusoormata imaluunniit nappaalanersuarmit COVID-19-imimt eqqugaammata Kim Kielsen ukiuni kingullerni arfinilinni siuttuuvoq.

Maanna qinigaaffik qiterpaarparput. Tamatumunnga atatillugu Siumup siulittaasua 2018-imi qinigaaqqinnermi kingorna piffissamut pisorpassuaqarfiusumut kingumut qiviarpoq.

Aviisi AG taama allappoq.

- Paamiuneersuuvunga sikkorluttumi. Taamaammat sikorlaakkoornermi aqqutissap tamakkerlugu tuumik qulakkeerneqartarnissaa utoqqarnit ilikkarsimavara.

Taama oqarnera apeqqarissaarfigineqarnera ingerlangaatsiareersoq pivoq, Kim Kielsenip COVID-19-imik nappaalanersuarmut atatillugu qaammatini kingullerni unammilligassat oqaluttuarisussanngormagit:

- Corona sikorlaatut ippoq. Aqqutaa tamakkerlugu misissorneqartariaqarpoq, oqarpoq. Kim Kielsen Namminersorlutik Oqartussat napasuliaanni init quleriit qulingiluaanni teqeqqumi allaffimmi qaqutigooraluartumik tikilluaqqusisimavoq kaffillerlunilu. Tassanngaanniit Ukkusissamut, tallimanngornerup ualikkuani matumani kaajallallugu putsumit poorneqarsimasumut, toqqaannartumik alutornarluinnartumik isikkiveqarpoq.

Tooq atorlugu mianersortumik siumut ingerlagaluarluni Naalakkersuisut siulittaasuat ingerlaqataarusuttunut sikorlaakkut mianersorluni ingerlanissami siuttuunissamut piareersimanerarpoq.

- Isumaqarpunga siunnerfik pilersinneqarsimasoq. Uannut ersarilluinnarpoq: Ilinniarsimassuseq qaffassassavarput, aningaasarsiornikkullu sukarsuarnik arlaqarnerusunik isumalluuteqassaagut. Tamanna suliffissanik ilinniarfissanillu pilersitsissutaasinnaavoq, oqarpoq

Siulittaasumik qinersinissaq

Juulip 10-ani Siumup siulittaasussaanik qinersinissaq, maannamut marluk, Erik Jensenip aamma Vivian Motzfeldtip, qinigassanngortiffigisimasaat pineqartillugu Kim Kielsen paasinannginneruvoq.

- Qinigassanngortissanerlutit aalajangiussimaviuk?

-  Aalajangersimavunga. Kisianni qanoq pisoqassanersoq takoqqaalaariartigu, oqarpoq.

Annertunerusumik itisiliiumanani.

Aviisimi AG-mi atuarnerusinnaavutit. Aviisi uani pissarsiariuk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER