Skip to main content

Kim Kielsen: Naammagisimaarinnilluarpunga

Immikkoortut marluk Siumup aammalu Inuit Ataqatigiit naalakkersuisooqatigiilernissaraluannik avissaartitsipput, tassaappullu aalisarnermut inatsisissaq aammalu tunngaviusumik inatsiseqalernissamut isumalioqatigiissitap suliaasa nanginneqarnissaannut tunngassuteqartut.

Oqilisimaaqaluni Siumup siulittaasua, Kim Kielsen qinigaaffimmi aallarteqqammertumi naalakkersuisooqatigiilertussat isumaqatigiissutaannik saqqummiussinermi tikilluaqqusivoq, taassumalu upperilluinnarpaa naalakkersuisooqatigiilertut qinigaaffik naallugu suleqatigiikkumaartut.

- Qinersinerup inernera ilisimaleratsiguli partiit tamaasa isumaqatigiinniaqatigivagut, naalakkersuisooqatigiit kingulliit ingerlaannarsinnaanissaat periarfissaqartinniarsimagaluarpara, tassami naggatissaa tikillugu suleqatigiilluarnikuugatta. Taamaattorli Inuit Ataqatigiillu isumaqatigiinniarnerput ingerlaqqissinnaajunnaarpoq immikkoortut marluk pillugit immitsinnut naapeqatigiissinnaasimannginnatta. Taakku tassaapput aalisarnermut inatsisissaq aammalu tunngaviusumik inatsiseqalernissamut suliniutit ingerlateqqinneqarnissaannut tunngasut, Kim Kielsen nassuiaavoq.

Partiit angisuut siuttoralugit silittumik naalakkersuisooqatigiilertoqarsinnaajunnaarmat, Siumup toqqarpaa partiit allat, tassalu Partii Naleraq, Atassut aammalu Partii Nunatta Qitornai isumaqatigiinniaqatigisatik sukumiisumik oqaloqatigilerniarlugit isumaqatigiissuteqarnissaq anguniarlugu, tamannalumi angusaqarfiuvoq partiit taakku akornanni naalakkersuisooqatigiilernissamik isumaqatigiissuteqartoqarmat.

- Immitsinnut neriorsoqatigiippugut qinigaaffiup ingerlanerani suliassat isumaqatigiissummi ilanngunneqartut 300it missaanniittut suleqatigiilluta timitalersorniassagivut. Taamaattorli erseqqissaatigissavara uagut qinikkat kisimiilluta naammassisinnaanaviannginnatsigit, innuttaasullu sulissutiginninnitsinni peqataallutillu suleqataasariaqarmata, Kim Kielsen oqarpoq. Taamatuttaaq partiit allat isumaqatigiissutip tunngavissai ilusilersueqataaffiginikuuaat, taamaammallu qularinngilara partiit taakku illuatungiliuttunngoraluarunilluunniit suleqataalluarsinnaajumaartut, Kim Kielsen oqarpoq.

Atassutip siulittaasua, Siverth K. Heilmann nassuiaavoq partii naalakkersuisooqatigiilerniaqatigiinni peqataassappat piumasaqaatit assigiinngitsut 56-it ilanngunneqaqqullugit saqqummiussimagitik , aammalu oqaatigaa annertunerpaatigut piumasaqaatitik taakku naalakkersuisooqatigiinnissamik isumaqatigiissummi naaperiarneqarluarsimasut.

Partii Nunatta Qitornai naammagisimaarinnippoq periarfissinneqaramik naalakkersuisooqatigiilertuni peqataasinnaagamik, siulittaasuallu Vittus Qujaukitsoq oqarpoq partiit naalakkersuisooqatigiilerniaqatigiit sinneri partiip piumasaqaataanut tusaaniarluarsimasut:

- Qineqqusaarneq tamaat innuttaasunut saqqummiuttuarparput uagut politikkikkut sulinitsinni nunatsinni innuttaasut pitsaanerusunik toqqissisimanarnerusunillu atugassaqartinneqarnissaat sulissutigiumallugu. Tassani ineqarnermut tunngasut pineqarpata, suliffeqarnermut tunngappata aammalu peqqinnermut tunngappata il.il.. Nuannaarutigaara toqqaannartumik sunniuteqarluta suliniutigerusutavut sulissutigisinnaaleratsigit, Vittus Qujaukitsoq oqarpoq.

Parti Naleqqap siulittaasua Hans Enoksen naammagisimaarinnippoq partii naalakkersuisooqatigiinni peqataassammat, taamaattorli aamma erseqqissaatigaa naalakkersuisooqatigiit avataanni aamma allanik parteeqarmat taakkulu aamma sunniuteqarnissamut periarfissinneqartariaqartut, taamaammallu nammineq neriuutigigini naatsorsuutigalugulu innuttaasut pillugit naalakkersuisooqatigiit illuatungiliuttullu suleqatigiilluarumaartut.

Siumup siulittaasua Kim Kielsen aperaarput Siumut partiinut suleqatigilikkaminut sanilliullugu qanoq annertutigisumik pingaartitaminnik tunulliussisariaqarsimanersut:

- Partiit sisamaalluta tamatta iisisariaqarnikuuvugut!

- Siumup suut iisariaqarsimagamigit?

- Siumup qineqqusaarutai aammalu naalakkersuisooqatigiinnermik isumaqatigiissut sanillersuullugit qimerlooraanni tamanna takuneqarsinnaavoq!

- Naalakkersuisooqatigiilerneq qanoq naammagisimaartigaajuk?

Naammagisimaarinneqaanga, taammaammammiuna aamma atsioqatigiittugut, aamma naalakkersuisooqatigiit qinigaaffik tamaat atassapput, Kim Kielsen (S) akivoq.

Læs hele sagen:

  1. Snævert flertal bag kommende koalition
  2. Koalitionsaftalen er underskrevet
  3. Se præsentationen af koalitionen her
  4. Aalisarnermut inatsit naapeqatigiissutigineqarsinnaasumik suliarineqassaaq
  5. Nationalt kompromis om fiskerilov
  6. Jeg er meget tilfreds
  7. Vi håber, at de interne stridigheder i Siumut nu er ophørt
  8. Siumumi isumaqatigiinninnerit unissimassasut neriuutigaarput
  9. Her bliver koalitionen præsenteret
  10. Naalakkersuisoqatigiit uani ilisartinneqarput
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER