Skip to main content

Kim Kielsen: Naalakkersuisoqatigiinnut isumaqatiginninniarnernut partiit tamarmik qaaqquneqassapput

Siumup siulittaasuata Kim Kielsenip partiit sorliit Naalakkersuisunut ilaatissanerlugit aalajangiussimanngilaa. Partiimi siulittaasut sinilaareerpata naalakkersuisoqatigiinnut isumaqatiginninniarnerit aallartissapput.

- Partiit tamarmik Inatsisartuniittut oqaloqatigiinnernut qaaqquneqassapput, oqaloqatigiinnerit kingorna anori sumut samminersoq takujumaarparput, Kim Kielsen qasusoq taama oqarpoq, taaanna Siumumi siulittaasutut partiit qinersinermi ajugaateqqippaa.

Qasuneq minnerunngitsumik taasinerit kisinneqarnerisa sivisuneranik pissuteqarpoq, nalunaaqutaq sisamanut inerneri piareerput.

Siumut 7 procentinik kinguariaraluarluni siuttuuginnarpoq, tassani Demokraatinut, Partii Naleqqamut aamma partiinut  nutaanut Suleqatigiissitsisunut aamma Nunatta Qitornaannut taasinernik annaasaqarput.

- Siumut aalajaatsunik qinersisartoqarpoq. Kisianni inunnut aalajangersimasunut taasinerpassuit takoqqippagut, inuit ilaat anisinnarlutik partiilioraangamik taasinerit nooqataasarput, Kim Kielsen oqarpoq, taassuma aamma Siumumit qinigassanngortittut arlallit angusarissaarmata nuannaarutigaa.

Qinersinerup inernera Sisimiuni kisitseqqittoqarneranik pissuteqartumik utaqqisitsivoq, qinersinerullu inernera sisamanngornermi ullaakkut saqqummermat Kim Kielsen oqaaseqarpoq.

- Naalakkersuisoqatigiinnut isumaqatiginninniarnissanut suli tulleriaarinngilagut. Pingasunngornermi ualikkut oqaloqatiginninnerit siulliit aatsaat pissasut isumaqatigiissutigaarput, Kim Kielsen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER