Kim Kielsenip mittarfiit aningaasalerneqarnissaat pillugit apeqqutit akinaveersaarpai

Danskit aningaasaleeqataanissaannut oqaloqatigiinnerit qanga aallartissimanersut, Naalakkersusiut siulittaasuata toqqaannartumik akinaveersaarpaa

Aqqaluaq B. Egedep (IA) mittarfiliortiternissamut suliniummi danskit naalagaaffiata aningaasaleeqataarnissaannut oqaloqatigiinnerit qanga aallartinnersut paaserusuppai.

§37 naapertorlugu apeqqummini toqqaannartumik akissutisinngilaq.

- Ulloq 13. juni 2018 Statsministerip Naalakkersuisullu siulittaasuata ulloq taanna ataatsimiinnermi ataatsimoorlutik oqaaseqaataat Naalakkersuisut innersuussutigiumavaat. Oqaaseqaat Naalakkersuisut nittartagaata qupperneranni takuneqarsinnaavoq, naalakkersuisut siulittaasoqarfia akissummini ilisimatitsivoq.

- Statsministerip Naalakkersuisullu siulittaasuata ullormi tassani isumaqatigiissutigaat ataatsimoorluni mittarfiliortiternernut suliniutip i1a asa aningaasalersorneqarnerannut atatillugu qallunaat qanoq i1apittuisinnaanerat misissorneqassanersoq, taamaassappallu qanoq pissanersoq.

- Erseqqissuutitsinissaq pillugu ulloq sioqqullugu Savalimmiuni naalagaaffeqatigiit qullersaasa Savalimmiuni ataatsimiinnerannut tapiliullugu siuliani taaneqartoq pillugu politikikkut oqallinnissat pinissaannik ilisimatitsineq tusagassiortunik katersortitsinermi oqaatigineqarpoq, akissut taama naggaserneqarpoq.

Naalagaaffeqatigiit ataatsimiinnerat sioqqullugu suliaq pillugu oqaloqatigiittoqarsimanersoq imaluunniit siunnersuuteqartoqarsimanersoq aamma atuarneqarsinnaanngilaq.

Powered by Labrador CMS