Skip to main content

Kim Kielsenip Danmarkimi ukiortaami ilassinninnera siulleq

Naalakkersuisut siulittaasuata Danmarkimi statsministeri ataatsimeeqateqareernermi kingorna tusagassiortunik katersortitsinermi peqatigissavaa pingasunngornermi. Ukiortaami ilassinnittoqassaaq sisamanngornermi, Naalakkersuisullu pingasut allat peqatigalugit tusagassiortunut katersortitsissalluni tallimanngorpat. Tamarmik Københavnimi ingerlanneqassapput

Naalakkersuiusunut siulittaasoq pisarnertut ukiortaami ilassinnissaaq, taanna Københavnimi sisamanngorpat ingerlanneqassaaq. Kalaallit Nunaata Sinniisoqarfiani Nordatlantens Bryggemi ingerlanneqassaaq. 

Ukiortaami ilasseqatigiinneq marloqiusaassaaq. Danskit naalakkersuisui, aallartitaat kiisalu diplomatii siullermik ilassineqassapput. Suleqatigineqartut allat tulliuttumi ilassineqassapput, Nersornaaserneqarnikut kiisalu Kalaallit Nunaata ikinngutai ilassineqassallutik. 

Naalakkersuisut siulittaasuata Siumumeersup Kim Kielsenip statsministeri Helle Thorning-Schmidt Socialdemokraatineersoq Kalaallit Nunaata Danmarkillu suleqatigiinnerat pillugu ataatsimeeqatigissavaa. Københavnimi ataatsimeeqatigiinneq pissaaq. 

Tusagassiortunut katersortitsineq 
Kalaallit Nunaata Sinniisoqarfiani tusagassiortunut tallimanngorpat katersortitsisoqassaaq nalunaaqutaq 14.00. Tassani peqataassapput Naalakkersuisut siulittaasuat Siumumit Kim Kielsen, aningaasaqarnermut aatsitassarsiornermut naalakkersuisunullu siulittaasumut tullersortaasoq Demokraatinit Anda Uldum kiisalu angallannermut, sanaartornermullu naalakkersuisoq Atassummit Knud Kristiasen.

Pisut tamarmik Sermitsiaq.AG-mut malinnaaffigineqassapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER