Kim Kielsen: Ingerlatseqatigiiffiit qaammatit pingasut ineqarneq pillugu aaqqiissutissarsiussapput
Naalakkersuisut isumaqarput namminersorlutik oqartussat ingerlatseqatigiiffiutaat maanna ima nukittutigilersimasut, allaat inissaqarniarnikkut inuiaqatigiit ajornartoorneranni tapertaasinnaallualersimallutik
Ingerlatseqatigiiffiit noqqaassummut piumassuseqarnerat Naalakkersuisut siulittaasuata Kim Kielsenip tigulluarpaa, aviisi Sermitsiaq allappoq.
Nunatsinni inissaqarniarnerup tungaatigut aaqqiissutissarsiornermi ingerlatseqatigiiffiit ikiortiserineqarneranni suliakkiissut qanorpiaq isukkoqarnersoq aammalu maannamut suli ilisimatitsissutigineqanngikkaluartoq ingerlatseqatigiiffiit sorliit kiisalu suliamut attuumassuteqartut sorliit suleqatigiissitami ilaatinneqassanersut, taamaattoq ungasinngitsukkut ingerlatseqatigiiffiit siulersuisuisa isumasioqatigiinneranni isumaqatigiissutigineqarpoq qaammatit pingasut qaangiutsinnagit Naalakkersuisunut innersuussummik naammassinnittoqarumaartoq.
- Politikkikkut sulinitsinni assut pingaartissimavarput namminersorlutik oqartussat ingerlatseqatigiiffiutaasa eqqissillutik ingerlatsinertik ineriartortissagaat. Ullumikkut killiffitsinni ima angusaqarluartigisoqarnikuuvoq allaat inuiaqatigiinni suliassanik annertunerusumik ingerlatseqatigiiffiit kivitseqataanissaannik noqqaassuteqalersinnaalerluta, matumanilu pineqartoq, tassalu ingerlatseqatigiiffiit ataatsimoorlutik sulisorisaminnut inissaqartitsiniarnissaq qanoq aaqqissorsinnaaneraat pillugu misissuilluni suliaqarneq aallartinneqarsinnaanngorsimavoq, naalakkersuisut siulittaasuat, Kim Kielsen (S), ingerlatseqatigiiffiit kajumissuseqarlutik politikkikkut kissaatigisamik tigusilluarsimanerat pillugu naammagisimaarinnilluni nassuiaavoq.
Allaaserineqartoq aviisimi Sermitsiami tamakkiisumik atuaruk. Aviisi uani pisiarineqarsinnaavoq: