namminiilivinneq
Kim Kielsenimut kaammattuut: Qaqugu namminiilivinnissaq angussaneripput ulluleruk
Kaaleeraq M. Andersen isumaqarpoq Siumut namminiilivinnissamut nangaasutut partiinngorsimasoq. - Ullussaa paasisariaqarput, namminiilivissatsinnummi piareersartariaqarpugut, taanna oqarpoq
Hans Enoksen Nunatta 2021-mi namminiilivinnissaa anguneqassasoq oqaaseqarnerata kingorna, Siumumi ilaasortap inuussuttup Kaaleeraq M. Andersenip taperserpaa.
Partii Naleqqami siulittaasoq isumaqatigalugu Kaaleeraq M. Andersenip Nunatta naalagaaffeqatigiinnermit anilluni namminiilivinnissaa Siumumi ullulerneqarusunngimmat pakatsissutigaa.
Atuaruk: Hans Enoksenip 2021-mi namminiilivittoqarnissaa piumasaraa
Partii nangaavoq
- Siulittaasutut qiningaaqqittoq (Kim Kielsen aaqq.) kisimi nangaajunnaarpoq, kisianni namminiilivinnissamut partii tamarmi nangaalersimavoq, Kaaleeraq M. Andersen tusagassiuutinut nalunaarummi isorinnippoq.
Taanna Kim Kielsenimut kaammattuivoq Nunatta namminiilivinnissaata ullulerneqarnissaanik.
- Piareersartussaavugut. Ilinniartuullunga misilitsissaguma piareersaqqaartariaqarpunga. Ullussaa paasisariaqarput, namminiilivissatsinnummi piareersartariaqarpugut, taanna oqarpoq.