Kim Kielsenimit naveersineq
Politikerit pigisaminnik aalajangersimasumik alarsimannilaarnissaq pikkoriffiginerusariaqarpaat,Kielsen taama siunnersuuteqarpoq allarluinnarmillu uummammioqarluni: - Pimmatiginnittarnequnitsinneqassaaq.
Inatsisartut siulittaasuata Inatsisartut ukiakkut ataatsimiinnerat naammassimmat pisarneq
naapertorlugu kingulliulluni oqaaseqarpoq, taamalu nissiaqqat ataatsimiittarfitoqqami
qanorluunniit iliorsinnaanngorlutik. Aviisi AG taamatut allappoq.
Kim Kielsen Inatsisartuni ilaasortanut inuiaqatigiinnullu naveersivoq. Politikerinut tunngasoq
taakkua oqarasuaataannut angallattakkanut tunngavoq, oqaaqqissaarutaalu inussiarnersumik
isumaqarnerulluni:
- Nalliuttuni aggersuni oqarasuaammik angallattakkamik atuinersi minnerutissagissi
neriuutigaara. Illuartilaarlugu ilisarniarsiuk. Ilaquttassi asasissilu atorfissaqartippaasi.
Oqarasuaat angallattagaq isigivallaarnagu taakku nakkunnerussavasi.
Kielsenip tamatumunnga peqatigitillugu inuiaqatigiinnut eqqaamallaqquaa, politikimik suliaqarneq qinikkat ilaqutaannut eqquisariaqanngimmat.
- Qinikkat ilaat mikisunik meeraqarput, qinikkallu arlalissuit sinerissaminngaanneersuullutik.
Ajoraluartumik tusartarparput, qinikkat ilaasa meeraat pimmatigineqartartut, qinikkanik
angajoqqaaqarnertik piinnarlugu. Taamaattariaqanngilaq, neriuutigaaralu pissutsit tamakkua
siaruaatinnginnissaat eqqumaffigineqassasoq. Qinikkat meeraat soorunami allanit ajornerusumik pineqartariaqanngillat, Kielsen oqarpoq, tassa Inatsisartut ukioq manna kingulliusumik ataatsimiinneranni kingulliulluni oqaaseqarnermini.
Ukiakkut ataatsimiinnermi ulloq kingulleq pillugu aviisimi AG-mi sapaatip-akunnerani matumani saqqummersumi paasisaqarnerugit. Ugguuna iserfigisinnaavat:
