Siumup ataatsimeersuarnera
Kim Kielsen siulittaasunngorniunnermi ajungaallualaavippoq
Kim Kielsen partiip Sisimiuni ataatsimeersuarnerani siulittaasutut qinigaaqqippoq. Taanna Vittus Qujaukitsumit marloriaatai sinnerlugit qinerneqarpoq
Ilimagineqareersutut 50-nik ukiulik Kim Kielsen Siumumi siulittaasutut qinigaaqqippoq.
Siumup sisamanngornermi Sisimiuni ataatsimeersuarnerani siulitaasumik qinersineranut atatillugu taanna ajungaavoq.
Siulittaasunngorniunnermi 67-it akornanni qinersisinnaasuni, Kim Kielsen 48-nik qinerneqarpoq, unammillertaalu Vittus Qujaukitsoq taamaallaat 19-nik qinerneqarluni. Aallartitaq ataaseq peqataanngilaq.
Taamaasilluni Kim Kielsenip Siumumi pissaaneq tigummiinnarpaa.
Ersaartaassineq
Inerniliussaq qularnarunnaarmat Sisimiut timersortarfiani nikuilluni ersaattaassineqarpoq.
2014-mi Aleqa Hammondip Nunatta karsianit atornerluisarsimanera paasineqarmat, partii immikkut ataatsimeersuarnerani Kim Kielsen siulittaasutut qinerneqarpoq.
Taanna 1,80 meterit missaani angitigisoq naatsunilli nujalik Nunatsinni soqutigineqarluartuuvoq. Taanna partiimi tassani siuleqarpoq, 1970-kkunnimi aallartisarneqarnerani ataatangingalua, Anders Kielsen peqataasimavoq.
Allaaserisaq nutarterneqassaaq...