Naalakkersuisut nutaat
Kim Kielsen naalakkersuisunngorpoq
Naalakkersuisuni ilaasortat nutaat marluk ivertinneqarput
Siverth K. Heilmann Atassummeersut ineqarnermut politikkikkut akisussaasunngorpoq Kim Kielsen Siumumeersoq avatangiisinut, pinngortitamut nunanullu avannarlernut tunngassuteqartunut akisussaasunngortoq. Inatsisartut amerlanerussuteqartut tamanna akuersissutigaat Inuit Ataqatigiiillu taasinngillat.
- 2009-mi Naalakkersuisunngortitsigatta isornartorsiorneqarpugut taamanikkut Naalakkersuisuni ilaasortat qulingiluaammasta. Maanna Naalakkersuisuni ilaasortat qulingiluanngortinneqarput, Demokraatit siulittaasuat Jens B. Frederiksen Inatsisartut oqaluttarfianniit oqarpoq.
Inuit Ataqatigiit aamma isornartorsiuipput Naalakkersuisunilu ilaasortat nutaat ivertinneqarnerani taaseqataanatik.
- Siumukkut Naalakkersuisut siulii isornartorsiornikuuaat Anthon Frederiksen Kattusseqatigiit Partiianneersoq aningaasartuutaannaanerarlugu. Maanna Naalakkersuisuni ilaasortat qulingiluanngorput, Agathe Fontain Inatsisartuni oqarpoq.
Naalakkersuini ilaasortanngortut 16-nit taperserneqarput qulit taaseqataanngitsut.
Kim Kielsen Siumut sinnerlugu Inatsisartuni sulinngiffeqarnissamik qinnuteqarpoq taamalu Siumut sinnerlugu sinniisussaq Saxdorph Didriksen Inatsisartuni ilaasortanngorluni. Taamatuttaaq Siverth K. Heilmann Inatsisartuni sulinngiffeqarpoq taamalu Atassut sinnerlugu sinniisussaq Knud Kristiansen Inatsisartuni ilaasortanngorluni.