Kim Kielsen Mette Frederiksenilu tusagassiortunik katersortitsinerat: Trump sammineqarpoq
Statsministeri Naalakkersuisullu siulittaasuat Mette Frederiksenip statsministeritut siullerpaamik nunarput tikeraarnerani pisut nalilerpaat. Tikeraarneq sisamanngormat Donald Trumpip Kalaallit Nunaat pisiarerusunnera pillugu nalunaarnerup kingorna eqqumaffigineqarnerulersoq.
Kim Kielsenip tusagassiortunik katersortitsineq aallarnerpaa.
Ikinngutigigamiuk Mettemik taajorlugu oqarpoq.
Mettep aamma ikinngutigiinnertik erseqqissarpaa. Ikinngutigiinnerat pisortatigoortumik ataqatigiinnerulissaaq
Mette Frederiksen oqarpoq statsministerinngornermi kingorna piaarnerpaamik nunarput tikeraarnissaa pingaartissimallugu.
Tikeraarnissaa Donald Trumpip Danmarkimut tikeraarnissaata qulakkeerneqarnera sioqqullugu pilersaarutaasimavoq.
Donald Trumpip tikeraarnissaa naapinnermi inituvoq.
Taanna oqarpoq Naalakkersuisut danskillu naalakkersuisui annertuumik qanimullu ataqatigiissaarisut.
Donald Trumpip Kalaallit Nunaat pisiarerusullugu uppernarsaanera pillugu toqqaannaq aperineqarami naatsumik akivoq Kalaallit Nunaat tuniniagaanngitsoq.
Mette Frederiksen oqarpoq Issittup soqutigineqarneruluttuinnarneranut tunngatillugu Amerikamiut nunatsinniinnerulernissaat avaqqunneqarsinnaanngitsoq.
Erseqqinngitsumilli Amerikamiunik nunatsinni sakkutooqarnerulertoqassanersoq pillugu apeqqut akivaa. Oqarporli allat sumiiffimmi sakkussiornerulernerat sillimaniarnikkut politikkikkut isiginiarneqartut, kiisalu ineriartorneq malinnaavigineqarluinnartoq.
Tusagassiortunik katersuititsineq 13.30 naammassivoq.