Skip to main content

Kim Kielsen isertukululluni qungujuppoq

Siumumi siulittaasutut sassaqqissanerluni Kim Kielsen oqaaseqarfigerusunngilaa. Tamanna tusagassiortunut katersortitsereernermi paasinarsivoq

- Siumut ataatsimeersualerpat siulittaasutut sassaqqissavit?

- Qungujuppakkit, Kim Kielsen qungujulluni akivoq.

Sermitsiaq.AG-mit apeqqut taanna apeqqutigineqaqqippoq, assinganik akineqaqqilluni.

Inuummarippoq

Uummammigut suliaritereernermi kingorna nukittoriartorluni malugaa.

Erik Jensenip Siumumi siulittaasutut sassarniarluni nalunaaruteqarnera oqaaseqarfigerusunngilaa.

- Erik Jensenip politikki suna atussaneraa ilisimanngilarput, Kim Kielsen tusagassiortunut katersortitsinerup naammassinerani oqarpoq.

Silatusaarnerua?

Partiip aalassassimaarnerata pissutigisaanik Kim Kielsenip siulittaasutut sassanerluni oqarusunnginnera silatusaarnerunnginnguatsiarpoq.

Tusagassiortunut katersortitsinermi aningaasanut inatsit Inatsisartunit naammassineqaqqammersoq eqqartorneqangaatsiarpoq. 

Innuttaasunut akerliusunut Kim Kielsen ima oqarpoq:

- Assiliaq tamaat isigalugu aalajangiisoqarsimanera innuttaasunit takuneqarsinnaasimasuuppat akerliusunut paasiuminarnerusimassagaluarpoq, ilaatigut oqarpoq.

Aningaasarsiutit

Sulinermut ilanngaatip atuutilertinneqarnera suliffeqarfinnullu akileraarutip appartinneqarnera aningaasalerneqartariaqarnerat pissutaalluni aalajangiisoqartariaqarsimasoq erseqqissaatigaa.

- Aningaasat isaasut 92 procentii aalisarnermit tigusaapput, Kim Kielsen oqarpoq, taamaattumik takornariaqarnerup, aatsitassarsiornerup uuliamillu suleriuseqarnerup aamma aningaasarsiutigilluarneqarnissaat pisariaqartoq erseqqissaatigaa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER