Kim Kielsen ingerlaqqippoq

Kim Kielsen naalakkersuisoqatigiinnut ikinnerussuteqartunut, tassa Siumut, Atassut aamma Nunatta Qitornaannut siuttuuvpq

Naak naalakkersuisunut ikinnerussuteqartunut siuttunngoraluarluni, Kim Kielsen Naalakkersuisunut siulittaasutut ingerlaqqinniarluni aalajangerpoq.

Naalakkersuisoqatigiit maannakkorpiaq tusagassiortunik katersortitsipput, tassanilu tunngavissaat saqqummiunneqarpoq. Naalakkersuisunut ilaasortanngortussat ualimut ilisaritinneqassapput.

Kim Kielsenip tallimanngormat kingullermi ikinnerussuteqarluni Demokraatit piumasaannik aamma naakkinninnerannik naalakkersuisuunissaq qularutigaa. Tamanna ilaquttanilu oqaloqatigiissutigisariaqassallugu nalunaaruteqarpoq, taamatut naalakkersuisuuneq suliassarujussuunera pissutigalugu.

Demokraatit tallimanngornermi siusissukkut nalunaaruteqarnerisa kingorna taama inissisimalertoqarpoq, tassani Siumut naalakkersuisoqatigilerniarnagu nalunaarutigaa. Illuanik naalakkersuisunut ikinnerussuteqartunut Inatsisartuni sulinermi tapertaaniarlutik piareersimanerarput, Nunatsinni qinersisoqaqqinnginnissaa piniarlugu.

Powered by Labrador CMS