Kim isumasiuineq pillugu: Qinersisoqaliivinnerani allanngortoqarsinnaavoq
IA-p Siumumit anginerulernissaa isumasiuinerup kingulliup takutippaa. Tamannali Siumumi siulittaasumik eqqissisimasumik tiguneqarpoq
Siumut: 28,6 procenti; Inuit Ataqatigiit 30,6 procenti. Isumasiuinerup kingulliup HS Analysep Sermitsiamut suliaani tamanna takuneqarsinnaavoq.
IA-p 2 procentpointimik siuaqqanera Naalakkersuisunut siulittaasup Kim Kielsenip eqqissisimasumik tiguneqarpoq.
Aviisi Sermitsiaq allappoq.
- Eqqaamassavarput, qinersisartunik isumasiuisitsinerit qinersisartut ersersikkusutaannik tikkuussisaraluartutm taava qinersinerit inerneri allaanerusarput, tassami qinersineq sioqqullugu naggataasersorluni qineqqusaarnerit siulittuutaasinnaasunik tamanik allannguiffiusinnaasarput. Pissitsillu imaassimappata, partii anginerpaap akisussaaffimmik tigusilluni nunatsinni naalakkersuinikkut aqutsinermik siuttuuffiginnileraangat, tamanna partiimut annikigisassaanngitsumik nungullarsaasinnaasarpoq, taamatuttaaq partiip iluani susoqarneranut qinersisartut misikkarissorujussuusarput, taamaalilluni apeqqutit ataasiakkaat qinersisartut taasinerminni qisuariaataannut sunniuteqarsinnaasarluni, ilaatigut tapersiinerulertoqartarluni ilaatigullu tapersiisut ikinnerulersinnaasarlutik, aviisimut oqarpoq.
Isumasiuineq pillugu Kim Kielsenip apersorneqarnera aviisimi Sermitsiami tamakkiisumik atuarneqarsinnaavoq. Aviisi uani pisiariuk: