Kim inatsisiliupallanneq pillugu: Sakkussat arlallit pisariaqarput
Naalakkersuisut Siulittaasuat Kim Kielsen isumaqarpoq, coronamik ajornartorsiuteqarneq nunami maani atugaalersimasoq, inatsimmi atuuttumi ”tuniluunneq siaruatsaaliorniarlugu akiorniarlugulu sakkussanik pisariaqartinneqartunik tamanik” ilaqanngitsoq
Naak coronavirusi pissutigalugu inunnik unitsitsisoqarsimanngikkaluartoq toqusoqarsimanngikkaluartorluunniit, inatsisissaq tuaviuullugu suliarineqartussaq Naalakkersuisunit saqqummiunneqarpoq, tassani nappaatit tuniluuttut pinaveersaartinneqarnissaat siaruatsaaliorneqarnissaallu anguniarlugit Naalakkersuisut nappaatit tunillaassortut akiorniarlugit iliuuseqarnissamut piginnaatinneqassapput.
- Malittarisassanik pisarialinnik oqartussat, peqqussutit malinneqartinnissaannut pisariaqartissinnaasaannik aalajangersaanissamut periarfissaqarnissaq siunnersuummi siunertaavoq. Siunnersuut akuerineqarpat nalunaarutit arlallit atuutilersinneqassapput, taakkua virusip tuniluunnerata siaruarnaveersaarnissaanut aamma akiornissaanut iliuuserineqarsinnaasunik pisariaqartinneqartunik oqartussanut tunniussisuussapput, Kim Kielsen inatsisissatut siunnersuummik, ullumi siullermeerlugu, aappassaaneerlugu pingajussaaneerlugulu sularineqartussamik saqqummiussigami oqarpoq.
"Paatsuuisimaneq"
Tuaviuussamik inatsisiliap aallaqqaammut imarisaa, inatsisilerituunit isornartorsiorneqarsimavoq, tassani politiit eqqartuussiviit aqqutigeqqaarnagit inuit angerlarsimaffiinut isersinnaatitaagaluarput. Ippassarli unnulluinnartoq inatsisissatut siunnersuut allanngortinneqarpoq, akerlerineqartortaa erseqqissaaffigineqarluni.
Akerliusoqaraluartoq Kim Kielsen oqarpoq, På trods af forløbet sagde Kim Kielsen, at der var tale om en ”paatsuisoqarsimanera" pineqartoq maanna peerneqarsimalersoq.
WHO-p inassuteqaatai malinneqassasut
- WHO-p inassuteqaatai malissavavut, Kim Kielsen innuttaasut oqartussat inassuteqaataannik malinninngippata oqartussat pisariaqartinneqartunik sakkussaqartinneqartariaqartut ilanngullugu oqarpoq.