Skip to main content

Kim Høegh-Damip angallataataa umiiarpoq

Kilisaat Narluneq Qaqortup eqqaani ikkarlissimavoq. Inuttaanik ajoqusertoqanngilaq.

Kilisaat Narluneq arfininngormat Qaqortup eqqaani umiiarpoq. Angallat Iluliaq Seafoodimit pigineqartoq, sulisitsisup Kim Høegh-Damip aningaasaliisartut spaniameersut peqatigalugit aqutaraa.

Kalaallit Nunaanni Politiit tusagassiiviani sulisup Camilla Palmannip uppernarsarpaa, kilisaat Narluneq arfininngormat ualikkut tallimanngulersoq Qaqortup eqqaani ikkarlissimasoq umiiarlunilu. Angallat kivingajassimasoq maanna qaqinniarneqalerpoq.

Inuit arfinillit ikkarlinnermi angallammiipput – ajoqusertoqanngilarli. Illersornissaqarfiup ullormut nalunaarusiaa naapertorlugu, inuttat imminnut annaanniarlutik namminneerlutik qeqertamukarsimasut, kingusinnerusukkullu aaneqarsimasut.

Qaqortumi Politiit qatserisartullu ullumi umiiarfimmeeqqissimapput. Tassani paasineqarpoq angallatip igalaavi allallu ammaannartut.

- Inuit kaammattorneqarput angallat maanna qaqinniarneqalersoq qanillattussanngikkaat. Tamatuma saniatigut eqqaasitsissutigissavarput, atortunik angallammit tigusineq pillarneqaataasinnaasoq, Qaqortumi Politiini politiassistenti Søren Arnth Hansen oqarpoq.

Suliaq Imarsiornermik Qullersaqarfimmut ingerlateqqinneqarpoq.

Aserorterisarneq inuttallu qimaannakkat

Narluneq piffissami kingullermi nalaataqarnerluttarsimavoq. Angallat aggustusip qaammataani ajoquserneqarsimavoq, tassani siorasat angallatip qaavani ruujori aqqutigalugu uuliaasivimmut solaariisivimmullu kuutsinneqarsimapput. Tamatuma saniatigut aquttarfiani atortut elektroniskiusut arlallit aserorterneqarsimapput. Angut inuusuttoq aserorterisimasutut tigusaasimavoq.

Juulip qaammataani inuttat arlallit Tasiilamut qimaannarneqarsimapput. Namminneerlutik nunamut niusimanersut inuttanit angallammilu naalakkamit isumaqatigiinngissutaavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER