Skip to main content

Kim aamma Løkke: Oqaluttuarisaanermi aatsaavissuaq nassuiaaneq, utoqqatsertoqassanngilarli

Ministeriunerup Lars Løkke Rasmussenip aamma Naalakkersuisut siulittaasuata Kim Kielsenip isumaqatigiissutigaat, meeqqat kalaallit 22-t 1951-imi pinngitsaalissummik Danmarkimut aallartinneqartut pillugit oqaluttuarisaanermi aatsaavissuaq nassuiaasoqarnissaa. Danskilli utoqqatsissanngillat.

Lars Løkke Rasmussen aamma Kim Kielsen ullumi pingasunngornermi Statsministeriami isumaqatigiissutigaat, meeqqat 22-t misilittaatitut oqaatigineqartut.1951-imi pinngitsaaliissummik Danmarkimut aallartinneqartut pillugit nassuiaateqartoqarnissaa, taamaalilluni oqaluttuarisaanermi paasisat saqqummiunneqassammata.

Taamaattorli meeqqat 22-t misileraanermeersut danskit naalagaaffianit utoqqatserfigineqarnavianngillat.

- Nalitsinni qanga pisimasunut eqqartuussisunngortinnissaq ajornakusoortorujussuuvoq, piffissaq taanna allanik tunngaveqarsimavoq, Lars Løkke Rasmussen Sermitsiaq.AG-mut oqarpoq.

LÆS OGSÅ: Aaja: Meeraanermini misiliutaasimasunut utoqqatserallaritsi

- Paasisaqarfiginerusinnaavarput, aamma qanga pisimasut ajuusaarutigisinnaavagut, kisianni maanna ukiorpassuit qaangiutereersut allat aalajangiinerat uanga peqataaffigisimanngisara utoqqatsissutigissallugu isumassaqanngilaq. Meeqqat taakku 22-t qanorpiaq pisoqarsimaneranik paasisaqarnerunissamik, kalaallit aamma danskit inuiaqatigiit taarsigassaqarfigalutigit isumaqarpunga. Kikkut qanoq iliornersut, aamma sooq taamaaliornersut.

Tamanna tunngavigalugu Ministeriunerup aamma Naalakkersuisut Siulittaasuata Meeqqanut Isumaginninnermullu ministeri, Mai Mercado aamma Peqqissutsimut, Isumaginninnermut Inatsisinillu atortitsinermut Naalakkersuisoq, Martha Abelsen, peqatigiillutik oqaluttuarisaanermi aatsaavissuaq nassuiaanissamut suliakkiissummik suliaqaqqullugit qinnuigisimavaat.

Piffissaq allaasoq

Ministeriuneq Lars Løkke Rasmussen imatut oqaaseqarpoq:

- Kalaallit meeqqat 22-t pillugit suliassaq ataatsimut oqaluttuarisaa-nitsinni pisut alianartut ilagaat. Qujanartumilli piffissaq maannakkut allaavoq. Qulaajaanerli kikkut pisuutinneqarnissaannut utoqqatsernissamulluunniit tunnganngilaq, kisianni tamatta silattuallannissatsinnut tunngavoq. Neriuppunga taamatut qulaajaaneq tamanna tamatumunnga iluaqutaajumaartoq.

Kisianni ullumikkut suliassaq pillugu oqaluttuarisaanermi aatsaavissuaq nassuiaasiornissarput pillugu aalajangernerput nuannaarutigaara. Oqaluttuarisaanermi najoqqutarineqarsimasoq aamma qangaanerusoq suliassat unammillernartut assigiinngiiaarnerat, akunnattoornerit aalajangernerillu allaaserisussaavavut, Lars Løkke Rasmussen tusagassiuutinut nalunaarummi oqarpoq.

Kim: Suliniut pingaarutilik

Naalakkersuisut siulittaasuat Kim Kielsen imatut oqaaseqarpoq:

- Naalakkersuisunut tunngatillugu pisut tamakku iluamik qulaajaaffigineqarnissaat pingaarnersaapput. Oqaluttuarisaanermi aatsaavissuaq nassuiaanissaq maannakkut aallartinneqartariaqarpoq, meeqqat ilaqutaallu akuutinneqartut eqqarsaatigalugit; aammali meeqqanut ilaqutaannullu pisimasut inuiaqatigiit ilinniutiginiassammatigit.

Meeqqat tallimanit arfineq-pingasunut ukioqartut iliaquttaminnit peerneqarput, Kalaallit Nunaannilu atuarfimmi marlunnik oqaaseqarfiusumut nutaamut siuttussanngortinneqarlutik Danmarkimut aallartinneqarput. Kisianni meeqqat angerlaqqinngillat. Arlallit angajoqqaanit qularnartumik akuersissuteqarnikkut meerarsiassanngortinneqarput, sinnerilu meeraaneup sinnerani meeqqat angerlarsimaffianni najugaqarput.

LÆS OGSÅ: Suliami utoqqatsernissaq Naalakkersuisut orniginngilaat
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER