Killissartik tikikkaat
Royal Arctic Linep umiarsuaatai marluk atorunnaarput, taakku maanna isaterlugit atoqqitassanngortinneqalerput.
Royal Arctic Linep ukiup siuliani Tukuma Arctica atulersikkamiuk, tamatumalu kingorna Eimskipimik suleqateqalerneq aallartimmagu Kalaallit Nunaanni umiarsuarmik assartuisarnermi piffissaq pisoqarfiusoq naammassivoq.
Aviisi Sermitsiaq allappoq.
Tamanna umiarsuit imarpikkoortaatit ilisimaneqarluartut atorluarneqarsimasullu, Nuka Arcticap aamma Naja Arcticap atorunnaarsinneqarnerannik isumaqarpoq, taakku maanna Frederikshavnimi isaterisartut januaarip sisamaanni umiarsuit isaterlugit aallartinneqarnissaannut utaqqipput.
Isatigassanngorlugit tunineqartut
- Decembarip 22-anni umiarsuit umiarsuarnik isaterisartunut Jatobimut tunineqarput, taakku umiarsuit isaternissaannut atortut eqqagassallu suliarinissaannut avatangiisinut akuersissutinik pisariaqartinneqartunik tamanik peqarput. Saffiukkat tamarmik atoqqinneqassapput, atortullu sinneri immikkoortiterneqassapput, annerpaartaallu atoqqitassanngortinneqassallutik, umiarsuaatinut aqutsisoq, Anders Bay Larsen, Royal Arctic Linemeersoq oqarpoq.
- Isaterineq avatangiisinut illersorsinnaasumik pinissaa Royal Arctic Linemut pingaaruteqartorujussuuvoq. Avatangiisinut innimiginninneq umiarsuaatileqatigiiffiup CSR-politikkianut qitiusunut ilaavoq.
Aviisimi Sermitsiami atuarnerugit: