Killilersuutinit eqqugaasoq: Tilioq isumasioqatigiinnissamik ataatsimiitsitsinissamillu taamaatitsiinnarpoq
Corona pissutigalugu inuit innarluutillit peqatigiiffii kattuffiilu isumasioqatigiissinneqaratillu ataatsimiisinneqassanngillat.
Coronavirusimut atatillugu killilersuutit malittarisassallu atuuttut pissutigalugit, Tiliup ukioq manna inuit innarluutillit peqatigiiffiinit kattuffiinillu peqataaffigineqartumik isumasioqatigiisitsinissaq ataatsimiisitsinissarlu taamaatiinarpai.
Inuit innarluutillit illersuisuat Christina Johnsen tusagassiorfinnut nalunaaruteqarluni allappoq.
Tiliumiit isumasioqatigiisitsinissap ataatsimiisitsinissallu piviusunngortissallugit periarfissaasinnaasut assigiinngitsut eqqarsaatigalugit pilersaarusiornerit suliarigaluarpai, naammangittartumillu nutaanik malittarisassiortoqaratarsinnaanera utaqqimaarsimangaluarlugu.
- Tassa isumasioqatigiisitsinissaq ataatsimiisitsinissarlu iluatsissasoralugu periarfissanik nalilersuisaraluarpugut. Kisianni allatut ajornaqaaq akueriinnartariaqarparput ukioq manna taamaatitsiinnarnissarput, Christina Johnsen oqarpoq.
Tiliumiit qilanaarineqarpoq pissutsit ajornartitsiunnaarpata peqatigiiffinnik kattuffinnillu naapitsinissaq. Inuiaqatigiit nukittorsarnqarnissaannik anguniagaqartoqarpoq aamma inuit innarluutillit peqatigiiffii kattuffiilu aqqutigalugit inuit innarluutilli pisinnaatitaaffii atugaallu pitsanngorsaaffigineqassapput.