Killilersorneqarani eqqarsarsinnaaneq
Assilialiorluni eqqumiitsuliortoq Julie Edel Hardenberg ukiuni tulliuttuni pingasungajanniNovo Nordisk Fondenimit aningaasalerneqarluni ph.d.-nngorniassaaq. Ilisimatuussutsikkutsuliniutimini misissorniarpaa qallunaat nunasiaateqarsimanerat suli eqqarsartaatsikkutinnuttaasunut sunniuteqarnersoq.
- Tulluuteqaanga suliniutillu aallartinnissaa qilanaaralugu.
Ataasinngormat eqqumiitsuliortoq Julie Edel Hardenberg (1971) qujassuteqarluni
oqalugiarami oqarpoq, pisortatigoortumik ukiuni pingasuni atuuttussaq ”Mads Øvlisen
praksisbaseret ph.d-stipendium i billedkunst” tunniunneqarmat. Aviisi AG sapaatip-akunnerani matumani saqqummersoq taamatut allappoq.
Mads Øvlisenip assilialiornermi misilittakkat tunngavalugit ph.d.-ngorniarnissamut stipediumia:
Tunniunneqartarpoq ilisimatusaatigalugu suliniut qinnuteqartup eqqumiitsuliornermini
ingerlatsineranik aallaaveqaraangat. Suliniut eqqumiitsuliaallunilu allattariarsorneruvoq.
Pissarsiffik: novonordiskfonden.dk
Taamaalilluni Danmarkimi eqqumiitsuliornermut qaffasissumik ilinniarsimasunut
avatangiisinut angerlartutut oqaatigineqarsinnaavoq.
2005-imi Det Kgl. Kunstakademimit soraarummeerpoq, Kunstteorimi Formidlingimilu masteringorluni.
Vil byde ind med refleksion
Hardenbergip ilisimatusaatigalugu suliniutaata taaguutigaa ”Mellem magt og afmagt – Det
af/koloniserede sind” (Pissaanerup pissaaneqannginnerullu akornanni -nunasiaataasutut/nunasiaataanngitsutut eqqarsartaaseq), eqqarsartaatsikkullu
nunasiaateqarnerup sunniutaa apeqqusertuarniarlugu, isumaqarami innuttaasut suli
sunnerneqarsimasut allaat Kalaallit Nunaat pisortatigoortumik
nunasiaataajunnaarsimagaluartoq.
Københavniliarluni timmisartumut ikitinnagu AG-mit ima aperaarput:
Ph.d-nngorniarninni inuttut innuttaasunullu suut angorusuppigit?
- Inuttut ukiuni kingullerni 20-ni sulissutigisimasannik annertuumik nersuiniarnertut
isigaara – tassalu nunamit inuiannillu nunasiaataasimasunit kingoqqisuusutut
misilittakkannik eqqarsaatersortarsimaninni. Soorunami tamanna suli ingerlakkusuppara.
Oqaluttuaq tamaat aviisimi AG-mi sapaatip-akunnerani matumani saqqummersumi atuaruk, ugguuna iserfigisinaaavat.