Skip to main content

Killeqarfitsigut aporfissat Folketingip misissorpai

Nunani avannarlerni innuttaasut naalagaaffeqatigiit iluanni nuunnissaq ajornannginnerussaaq. Kalaallit Nunaannit Savalimmiunillu aalajangiivigisassatut siunnersuut aappassaaneerneqassaaq

Savalimmiut Kalaallillu Nunaata aatsimoorlutik aalajangiivigisassatut siunnersuutaat tallimanngormat Folketingip taperserpaa. Siunnersuutikkut Naalagaaffeqatigiit iluanni nuussinnaaneq ajornannginnerulersinneqassaaq.
Taamatut pasissutissiivoq knr.gl.

Siunnersuutikkut ilaatigut qallunaat inuttut normuinik atuineq ajornannginnerulissaaq, innuttaasut angerlarsimaffeqanngitsutut nalunaarsorneqarnerat ajornannginnerulissaaq aammalu suliffissaaleqisut suiffeqalernissamut piareersimalersimasut oqaatsitigut piginnaasakitsut ajornannginnerusumik sulilersinnaasapput. Assersuutigalugulu misissorneqassaaq meeqqanut ilaqutariinnullu ikiorsiissutinik tunniussisarnermi kalaallit mininneqartarsimanersut.

Pissutsimmi imaapput, kalaallit Danmarkimi najugallit atorfillillu, Nunafsinnilu najugalinnik qitornallit, meeqqanut tapiissutinik pisinnaanngillat. Assersuutigalugu polen-imiut taamaasiorsinnaapput EU-p peqqussutaa naapertorlugu. Danmarkimit meeqqanut tapiissutisiatik Polen-imi aappaminnut nassiussinnaavaat.

- Naalagaaffeqatigiinnermi aporfiit pillugit atorunnaarsitsiniarnermut siunersuutip partiinit isumaqatigineqarnera nuannaarutigaara, Johan Lund Olsen tusagassiutinut nalunaaruteqarpoq. 

- Nunatsinnit Danmarkimut nuuttut pisariaqanngitsumik aporfeqartartut amerlavallaarujussuarput. Aporfeqartarnerit atorunnaarsinneqarnissaat qilanaaraara. Inuit Ataqatigiinniit sulissutigissavarput Inatsisartut Naalakkersuisullu una pillugu annertuumik suliaqarnissaat, Folketingimi paarlattaagallartoq Johan Lund Olsen oqarpoq. 

Siunnersuut saqqummiunneqarpoq Manu Sareen-imit, taassumali maluginiaqquvaa immikkoortut ilaat Savalimmiuni, Kalaallit Nunaanni Danmarkimilu inatsisinik assigiinngitsunik aporfissaqarsinnaasut - taamaattumillu aporfissat tamakkua peerneqarsinnaanatik.
Siunnersuut aappassaaneernissaanut ingerlateqqinneqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER