Skip to main content

Kilisaat: Suli mingutsitsisoqarsinnaavoq

Kilisaat Polar Aassik martsip 17-ani Qasigiannguit kujammut kitaata tungaani kivisoq Issittumi Sakkutooqarfimmit suli nakkutigineqarpoq, annerusumik mingutsitsisinnaanera suli nalornissutigineqarmat.

Issittumi Sakkutooqarfiup umiarsuaa alapernaarsuut Ejnar Mikkelsen kilisaatip Polar Aassiup ulluni arlalinnik ikuallareerluni suli kiviffianiippoq.

Anor sarfarlu kiisalu imartarp sikoqarnera pissutigalugit Issittumi Sakkutoorqarfiup kilisaammit uuliakoortoqarnersoq aalajangeruminaatsippaa.

Nalornissutaasoq

- Annerusumik mingutsitsisoqarsinnaanera qulakkeerlugu oqaatigineqarsinnaatinnagu sumiiffimmiissaagut. Påskikkunnili pissutsit allanngorsimanngillat, Issittumi Sakkutooqarfik Sermitsiaq.AG-mut ilisimatitsivoq.

Nalorninartoq tassaavoq, uulia immap qaavaniittoq anori sarfarlu pissutigalugit siaruaakkiartornersoq qulakkeerlugu oqaatigineqarsinnaannginnera. Imaluunniit uuli aalajangersimasoq piffimmi mikinerusumi eqiterussimanersoq matumani pineqarnersoq.

- Sapaatip akunnerini arlalinni tamaaniittariaqarersugut erseqqissummik oqaatigiuminaappoq, Issittumi Sakkutooqarfik timmisartumik Challengerimik qulimiguulimmilluunniiit sumiiffimmi akulikittumik nakkutilliisitsisartoq oqaaseqarpoq.

Uulia misissoqqissaarneqartartoq

- Uulia immap qaavaniittoq sunaanersoq misissoqqissaarniarlugu akulikitsumik tigusiffigisarparput. Uuliamik kinertumik mingutsitsisartumillu suli nassaartoqanngitsoq nassuiaatigineqarpoq.

Erseqqissaassutigineqarpoq Namminersorlutik Oqartussat Danmarkimilu oqartussat suleqatigiinnerisigut nakkutilliinerup unitsinneqarnissaa aalajangiiffigineqartussaasoq, Issittumili Sakkutooqarfik kilisaatip mingutsitsinnginnerata qulakkeerneqarnissaata tungaanut sumiiffimmiissasoq aalajangiussimaneqarluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER